गायक दिशा परमार व राहुल वैद्य हे दोघे सध्या त्यांची लाडकी लेक ‘नव्या’सह खुश असलेले पाहायला मिळत आहेत. गेल्यावर्षी २० सप्टेंबर रोजी दिशाने आपल्या मुलीला जन्म दिला. तेव्हपासून राहुल व दिशा यांनी आपल्या लाडक्या लेकीचा चेहरा दाखवलेला नव्हता. त्यामुळे त्यांच्या अनेक चाहत्यांना नव्याला पाहण्याची उत्सुकता लागून राहिली होती. अशातच राहुल व दिशा यांनी त्यांच्या चाहत्यांनी नुकतीच नव्याची खास झलक दाखवली आहे. सोशल मीडियावर सध्या एक व्हिडीओ व्हायरल होत आहे, ज्याद्वारे राहुल व दिशा यांच्या लाडक्या लेकीचा चेहरा पाहायला मिळत आहे.
राहुल व दिशा यांचा मुंबई विमानतळावरील एक व्हिडीओ व्हायरल होत आहे. ज्यामध्ये दोघं सर्व पापाराझींना आपल्या मुलीची ओळख करून देताना दिसत आहे. तसेच पापाराझी ही नव्याचे काही खास फोटो त्यांच्या कॅमेऱ्यात टिपत आहेत. हा व्हिडीओ सध्या सोशल मीडियावर व्हायरल होत असून नेटकऱ्यांनी या व्हिडीओला लाईक्स व कमेंट्सद्वारे चांगलाच प्रतिसाद दिला आहे.
अनेकांनी नव्या ही अगदी हुबेहूब राहुलसारखी दिसत आल्याचे म्हटले आहे. “खूपच गोड, खूपच छान, अगदी राहुलवर गेली आहे, नव्या अगदी आपल्या बांबांची कार्बन कॉपी आहे” अशा अनेक कमेंट्सद्वारे नेटकऱ्यांनी या व्हिडीओला प्रतिसाद दिला आहे.
आणखी वाचा – रोमँटिक सीन करताना मनिषा कोइरालाच्या तोंडाचा घाणेरडा वास आला अन्…; बॉबी देओलचं वक्तव्य चर्चेत
दरम्यान, ४ महिन्यांनंतर राहुल-दिशा यांनी त्यांच्या लाडक्या लेकीचा चेहरा सर्वांना दाखवला आहे. कित्येक दिवस चाहत्यांना नव्याचा चेहरा पाहण्याची उत्सुकता लागून राहिली होती. शेवटी राहुल व दिशा यांनी लेकीचा चेहरा दाखवला असल्याने चाहत्यांमध्ये आनंदच वातावरण पाहायला मिळत आहे.
