अभिनेत्री शुभांगी गोखले या गेल्या अनेक वर्षांपासून मनोरंजन विश्वात सक्रिय आहे. त्यांनी आजवर अनेक हिंदी व मराठी मालिका आणि चित्रपटांमध्ये काम केलेलं आहे. ‘श्रीयुत गंगाधर टिपरे’ असो, किंवा ‘काही दिया परदेस’ मालिका, किंवा ‘अगं बाई अरेच्चा’ चित्रपट असो, शुभांगी यांनी त्यांच्या कामातून प्रेक्षकांचे भरपूर मनोरंजन केले. टीव्ही विश्वातील या दिग्गज अभिनेत्री सध्या स्टार प्रवाह वाहिनीवर नुकतंच सुरु झालेल्या ‘प्रेमाची गोष्ट’ या मालिकेत महत्वाची भूमिका साकारताना दिसतात. (Shubhangi Gokhale talks her Saree Collection)
अवघ्या काही दिवसांवर दिवाळी आली. त्यानिमित्ताने अनेकांच्या घरी मोठी लगभग सुरु आहे. घराची सजावट असो, किंवा फराळ बनवणे, यांमध्ये अनेक जण आपला मोलाचा वाटा देताना दिसत आहे. तसेच, फटाक्यांची आतषबाजी या सणात डोळ्यांचे पारणे फेडताना दिसते. केवळ सर्वसामान्य नाही, तर अनेक कलाकार दिवाळीनिमित्त विविध तयारीत जुंपले आहेत. नुकताच स्टार प्रवाहचा ‘ढिंचॅक दिवाळी २०२३’ सोहळा पार पडला. या सोहळ्यात शुभांगी गोखले यांच्या रेड कार्पेटवरील एन्ट्रीने सर्वांचे लक्ष वेधले होते. यावेळी ‘इट्स मज्जा’शी संवाद साधताना शुभांगी यांनी त्यांच्या साड्यांबाबत मोठा खुलासा केला आहे.
हे देखील वाचा – Video : …अन् भर रिसेप्शन पार्टीत रेखा यांनी घेतले शत्रुघ्न सिन्हा यांचे आशीर्वाद, पत्नी व लेक सोनाक्षीची घेतली गळाभेट, व्हिडीओ व्हायरल
यावेळी शुभांगी गोखले यांना त्यांच्या साड्यांच्या कलेक्शनबाबत विचारले असता त्या म्हणाल्या, “माझ्याकडे सिल्क व कॉटन यांमध्ये जवळपास २०० साड्या आहेत. ज्यात सिल्कमध्ये साऊथ सिल्क, मुंगा कोसा सिल्क, व बिहार व आसामच्या सिल्क साड्या, तर बंगालची कॉटन साडी किंवा आपल्या महाराष्ट्राची इरकली साडी असतील. असं असूनही मी या साड्या इतरांना देऊन टाकते. कारण माझ्या घरात सेल असतो. दर दोन ते तीन वर्षांनी मी माझ्या घरात हा साड्यांचा सेल भरवते. आणि गंमत म्हणून त्या साड्यांना १० रुपये, १५ रुपये अशा किमती लावते. उदाहरण द्यायचं झाल्यास, गेल्यावर्षी माझी एक मैत्रिण होती जिचा स्वतःचा साड्यांचा ब्रँड आहे. तर तिने माझ्याकडील तब्बल १९ साड्या घेऊन गेल्या होत्या. आपण नाही निदान दुसरं कोणीतरी या साड्या वापरतील, या हेतूने मी या साड्यांचा सेल भरवते.”
हे देखील वाचा – ‘मुरांबा’ मालिकेत येणार मोठं ट्विस्ट, अक्षयचा होणार अपघात? व्हिडीओ पोस्ट करत अभिनेता म्हणाला, “ही पडद्यामागची…”
पुढे शुभांगी यांना त्यांच्या आयुष्यातील रॉकेटबद्दल विचारले होते. त्यावेळी त्या म्हणाल्या, “खरंतर मी माझ्या कामाला फार उशिरा सुरुवात केली. ‘डॅडी समजा करो’ नावाची मालिका त्यावेळी मी करत होती. ‘देख भाई देख’ फेम आनंद मंहेंद्रू हे या मालिकेचे निर्माते होते. या मालिकेत काम करणं माझ्यासाठी खूप आवाहनात्मक होतं. मालिकेत मी जी भूमिका केली होती. ते पाहून आमच्या निर्मात्यांनी माझ्या वडिलांसमोर माझं कौतुक केलं, ते माझ्यासाठी एक मोठं रॉकेट होतं.”
