Mugdha Vaishampayan Puranpoli Video : ‘सारेगमप लिटल चॅम्प्स’मधील पहिल्या पर्वात झळकलेले प्रथमेश लघाटे आणि मुग्धा वैशंपायन नेहमीच कोणत्या ना कोणत्या कारणामुळे चर्चेत राहिले. दोन वर्षांपूर्वी ही जोडी लग्नबंधनात अडकली. ‘आमचं जुळलं’ म्हणत दोघांनी सोशल मीडियाद्वारे प्रेमाची कबुली दिली. लग्नानंतर मुग्धा-प्रथमेश नेहमीच चर्चेत राहिले. लग्नानंतर मुग्धा-प्रथमेश यांनी मिळून प्रत्येक सणवार साजरे केले. बरेचदा मुग्धा तिच्या सासरी गावी आरवलीमध्ये सणवार साजरे करताना दिसली. आता होळीनिमित्त ही प्रेक्षकांची लाडकी जोडी कोकणात गेली आहे. आणि कोकणात शिमग्याचा आनंद लुटताना दिसत आहे.
स्टोरीमध्ये दोघांनी शिमग्यातील पालखीचा फोटो पोस्ट केला. याशिवाय गावाच्या होळीचे खास व्हिडीओदेखील शेअर केले आहेत. होळी ही पुरणपोळीशिवाय अपूर्ण आहे. आणि अशातच मुग्धाने तिच्या सासरी पहिल्यांदा पुरणपोळी बनवली. मुग्धाला पुरणपोळी बनवताना येत नाही, आणि म्हणूनच ती पुरणपोळी बनवायचे धडे सासूबाईंकडून घेताना दिसली. मुग्धाने स्वतःच पुरणपोळी बनवतानाचा व्हिडीओ इंस्टाग्राम अकाउंटवर शेअर केला आहे.
A post shared by Mugdha Bhagawan Vaishampayan (@mugdhabhagawan5)
या व्हिडीओमध्ये मुग्धा परफेक्ट पुरणपोळी बनवताना दिसत आहे. पुरणपोळी बनवण्याचा प्रयत्न करत आहे”, असं म्हणत तिने हा व्हिडीओ पोस्ट केला आहे. “नीना काकूच्या (सासूमाँ) हाताखाली पुरणपोळी करण्याचा प्रयत्न. जरा अवघड आहे करणं. पण मजा आली. होळी पौर्णिमेच्या खूप शुभेच्छा”, असं कॅप्शन तिने या व्हिडीओला दिलं आहे.
आणखी वाचा – सुप्रसिद्ध मराठी अभिनेत्री देतेय कर्करोगाशी लढा, आजारपणाबाबत केली पोस्ट, म्हणाली, “माझ्या आई-वडिलांना…”
मुग्धाला पुरणपोळी बनवताना पाहून प्रथमेशने व्हिडीओवर कमेंट केली आहे. रेड हार्ट ईमोजी शेअर करत त्याने बायकोच्या मेहनतीचं कौतुक केलं आहे. याशिवाय नेटकऱ्यांनीही पुरणपोळी बनवताना मुग्धाच कौतुक केलं आहे.
