मराठी मनोरंजन सृष्टीमधून नुकतीच एक दु:खद बातमी समोर येत आहे. ज्येष्ठ अभिनेत्री शुभा खोटे यांच्यावर दुःखाचा डोंगर कोसळला आहे. शुभा खोटे यांचे पती दिनेश बलसावर यांची काल (२८ मार्च) रोजी रात्री प्राणज्योत मावळली. त्यामुळे आपल्या नवऱ्याच्या निधनाच्या दु:खात अभिनेत्री शुभा यांनी सोशल मीडियावर एक भावुक पोस्ट शेअर केली आहे. शुभा यांनी त्यांच्या इन्स्टाग्राम अकाऊंटद्वारे काही खास फोटोद्वारे त्यांच्या भावुक आठवणी शेअर केल्या आहेत.
शुभा यांनी त्यांच्या या पोस्टमध्ये आपल्या पतीबरोबरचे अनेक फोटो शेअर केले आहेत आणि त्यांनी हे खास फोटो शेअर करत असं म्हटलं आहे की, “गेली ६० वर्षे आम्ही एकमेकांना एकत्र म्हातारे होऊ. एकत्र जीवन जगू असं म्हटलं होतं. अलविदा, सोबती.” शुभा खोटे यांचे पती हे सुद्धा फिल्म इंडस्ट्रीशी निगडित होते. एक निर्माता म्हणून त्यांनी बराच काळ गाजवला. त्यांनी हिंदीबरोबरच मराठी चित्रपटांचीसुद्धा निर्मिती केली आहे.
शुभा खोटे यांचे पती हे सुद्धा सिनेसृष्टीशी निगडित होते. एक निर्माता म्हणून त्यांनी बराच काळ गाजवला. हिंदीबरोबर मराठी चित्रपटांचीसुद्धा त्यांनी निर्मिती केली आहे. १९६७ मध्ये प्रदर्शित झालेला ‘चिमुकला पाहुणा’ हा सुद्धा त्यांच्या निर्मितीच्या चित्रपटांमधीलच एक चित्रपट होता. या चित्रपटात शुभा खोटे आणि त्यांचे भाऊ विजू खोटे या भावंडांनी एकत्र काम केले होते.
शुभा खोटे यांनी नुकतीच ‘ठिपक्यांची रंगोळी’ या मालिकेत महत्त्वाची भूमिका साकारली होती. याआधी त्यांनी ‘ससुराल’, ‘देख कबीरा रोया’, ‘संजोग’, ‘बरखा’, ‘ग्रहस्ती’, ‘छोटी बहन’ यांसारख्या अनेक हिंदी व मराठी चित्रपटांत काम करून आपली ओळख निर्माण केली आहे. दरम्यान, १९६४ मध्ये शुभा यांचे दिनेश यांच्याबरोबर लग्न झाले होते. त्यांना भावना बलसावर आणि अश्विन बलसावर ही दोन मुलं आहेत.
