बॉलिवूडमध्ये ‘हिरो नंबर १’ अशी ओळख असलेल्या अभिनेता गोविंदा नेहमीच कोणत्या ना कोणत्या कारणाने चर्चेत असतो. आजवर गोविंदाने त्यांच्या अभिनयाने प्रेक्षकांची मन जिंकली आहेत. सध्या गोविंदा पुन्हा एकदा राजकीय वर्तुळात चर्चेत आला असल्याचं पाहायला मिळत आहे. २००४ मध्ये त्यांने काँग्रेस पक्षाकडून निवडणूक लढवली आणि खासदार म्हणून संसदेत निवडूनही आला. आता दोन दशकांनंतर, त्याने पुन्हा एकदा राजकीय जगात प्रवेश केला आहे. यावेळी अभिनेता शिवसेनेच्या तिकिटावर लोकसभा निवडणूक २०२३ लढवण्याची शक्यता आहे. (Govinda Net Worth)
महाराष्ट्राचे मुख्यमंत्री एकनाथ शिंदे यांची भेट घेतल्यानंतर या चर्चांना उधाण आलं. गोविंदा चित्रपटांपासून ब्रँड एंडोर्समेंटपर्यंत करोडोंची कमाई करतो. अभिनेता गोविंदा अनेक वर्षांनंतर राजकारणात परतला असून, तो २०२४ ची लोकसभा निवडणूक शिवसेनेच्या तिकिटावर लढणार असल्याच्या चर्चा आहेत. राजकारण व चित्रपटांपासून दीर्घकाळ दूर राहिलेला अभिनेता गोविंदा यांची संपत्ती कोटींच्या घरात आहे. २००४ मध्ये Myneta.info वर निवडणूक आयोगात दाखल केलेल्या प्रतिज्ञापत्रानुसार, गोविंदाने तेव्हा त्यांची एकूण संपत्ती १४ कोटी रुपये असल्याचे घोषित केले होते. पत्रकारांच्या मते, आता २० वर्षांनंतर त्यांची संपत्ती १८ दशलक्ष डॉलर्स किंवा सुमारे १५० कोटी रुपये आहे.
गोविंदाला बॉलिवूडचा ‘हीरो नंबर १’ म्हणून ओळखले जाते. आपल्या अभिनयाच्या जोरावर प्रेक्षकांना चाहते बनवणाऱ्या गोविंदाचा चित्रपटांच्या कमाईत मोठा वाटा आहे, तर तो ब्रँड एंडोर्समेंटच्या माध्यमातूनही भरपूर कमाई करतो. या सर्व माध्यमातून गोविंदा वर्षाला सुमारे १२ कोटी रुपये कमावतो आणि त्याचे मासिक उत्पन्न सुमारे १ कोटी रुपये आहे. गोविंदा त्यांचं शानदार आयुष्य जगत असल्याचा अंदाज मुंबईतील आलिशान घराकडे पाहून येतो. मुंबईत त्याच्या दोन आलिशान आणि महागड्या मालमत्ता आहेत. यापैकी एक जुहूच्या रुईया पार्कमध्ये आहे, तर दुसरा मड आयलंडमध्ये आहे. त्यांच्या घराची अंदाजे किंमत १६ कोटी रुपये आहे. याशिवाय त्यांनी अनेक रिअल इस्टेट प्रकल्पही त्यांच्या नावे आहेत.
एका चित्रपटासाठी गोविंदा सुमारे ५ ते ६ कोटी रुपये मानधन घेतो. तर एका ब्रँडची जाहिरात करण्यासाठी तो सुमारे २ कोटी रुपये आकारतो. त्याच्या आलिशान लाइफस्टाइलमध्ये त्याचे कार कलेक्शनही पाहायला मिळते. रिपोर्टनुसार, त्याच्याकडे अनेक आलिशान व महागड्या गाड्या आहेत, ज्यात मित्सुबिशी लान्सर, फोर्ड एंडेव्हर सारख्या गाड्यांचा समावेश आहे.
