झी मराठीवरील ‘शिवा’ या लोकप्रिय मालिकेमधून प्रेक्षकांच्या भेटीला येणारा ‘आशू’ म्हणजेच अभिनेता शाल्व किंजवडेकर नुकताच लग्नबंधनात अडकला आहे. ‘येऊ कशी तशी मी नांदायला’ मालिकेतून त्याला लोकप्रियता मिळाली आणि सध्या तो ‘शिवा’ या झी मराठीवरील मालिकेमधून प्रेक्षकांच्या भेटीला येत आहे. छोट्या पडद्यावरुन घराघरात पोहोचलेल्या शाल्वच्या घरी गेल्या काही दिवसांपासून लगीनघाई सुरु असल्याचे पाहायला मिळाले. शाल्व मराठी इंडस्ट्रीमधील लोकप्रिय कॉस्ट्युम डिझायनर आणि स्टायलिस्ट श्रेया डफळापूरकरबरोबर लग्नबंधनात अडकला आहे. (Shalva Kinjwadekar got married with Shreya Daflapurkar)
श्रेया आणि शाल्व दीर्घ काळापासून रिलेशनशिपमध्ये आहेत. त्यांनी सोशल मीडियावर अनेक रोमँटिक फोटोही शेअर केलेत. गेल्यावर्षी फेब्रुवारी महिन्यात त्यांनी साखरपुडा केला होता. ‘४ वर्षांपूर्वी मी या अद्भूत माणसाला भेटले आणि आता तो माझा होणार नवरा आहे’, असे कॅप्शन देत श्रेयाने सोशल मीडियावर साखरपुडा सोहळ्याचे खास फोटो शेअर केले होते. अशातच आता दोघे अखेर विवाहबंधनात अडकला आहे. अशातच सोशल मीडियावर या दोघांच्या लग्नाचा एक खास व्हिडीओ सोशल मीडियावर व्हायरल होत आहे.
आणखी वाचा – ‘शिवा’ फेम शाल्व किंजवडेकरचं थाटामाटात लग्न, दोघांच्या लाल रंगाच्या आऊटफिटने वेधलं लक्ष, पहिला फोटो समोर
या व्हिडीओमध्ये शाल्वची बायको म्हणजेच श्रेया काहीशी भावुक झाल्याचे पाहायला मिळत आहे. शाल्वने श्रेयाच्या गळ्यात मंगळसूत्र परिधान करताच तिच्या डोळ्यांत अश्रु दाटले अन् शाल्वने मग तिला प्रेमाने सावरले. दोघांचा हा भावुक व्हिडीओ सध्या सोशल मीडियावर व्हायरल होत असून अनेकांनी या दोघांना त्यांच्या लग्नानिमित्त शुभेच्छा दिल्या आहेत. अनेकांनी या व्हिडीओला लाईक्स व कमेंट्सद्वारे उत्तम प्रतिसाद दिला आहे.
आणखी वाचा – Video : अमिताभ बच्चन यांच्या नातवाशी रेखा यांची गळाभेट, गालावरुन हात फिरवत विचारपूस, व्हिडीओ व्हायरल
दरम्यान, अभिनेता सिद्धार्थ चांदेकरने शाल्व किंजवडेकर व श्रेया डफळापूरकर यांच्या लग्नातील पहिला फोटो शेअर केला आहे. शाल्व व श्रेया दोघेही लग्नात खूप सुंदर दिसत होते. शाल्व व श्रेया यांनी त्यांच्या लग्नासाठी खास लाल रंगाचा पोषाख केला होता. सिद्धार्थने या नवविवाहित जोडप्याबरोबरचा एक सेल्फी इन्स्टाग्राम स्टोरीमध्ये शेअर केला आहे.
