Shantanu Gangane Post : अशी अनेक कलाकार मंडळी आहेत जी मानधन थकबाकीवर बरेचदा आवाज उठवितात. यापैकीच एक म्हणजे पारू फेम शंतनू गंगणे. काही महिन्यांपूर्वी मानधन थकल्याच्या मुद्द्यामुळे शंतनू चर्चेत आलेला पाहायला मिळाला. त्याने सिनेसृष्टीतील काही लोकप्रिय निर्मात्यांवर मानधन थकवल्याचा आरोप केला. यानंतर आता अभिनेता आता वेगळ्याच एका कारणामुळे चर्चेत आला आहे. हे कारण त्याच्या वैयक्तिक आयुष्यातील आहे. अभिनेत्याने त्याच्या वैयक्तिक आयुष्यात मोठी उलाढाल केली आहे. त्यानं एक मोठा आणि वेगळा निर्णय घेतला असून याबाबत सोशल मीडियाद्वारे स्पष्ट केलं आहे.
अनेक सेलिब्रिटींनी आपल्या मुलांच्या भविष्यासाठी वेगवेगळे निर्णय आहेत. काहींनी नेहमीपेक्षा वेगळ्या शाळेत आपल्या मुलांना प्रवेश दिला आहे. तर काहींनी शाळेत न पाठवता घरीच शिक्षण देण्याचा म्हणजेच होम स्कूलिंगचा पर्याय निवडला आहे. यांत ‘आई कुठे काय करते’ फेम अरुंधती म्हणजेच अभिनेत्री मधुराणी प्रभुलकर, ‘बाळूमामाच्या नावाने चांगभलं’ मालिकेचे दिग्दर्शक असे अनेक कलाकार आहेत ज्यांनी त्यांच्या मुलांना वेगळ्या पद्धतीने शिकवण्याचा निर्णय घेतला आहे.
यांत आता शंतनू गंगणेचे नावही आले आहे. शंतूनने देखील आता मुलांना शाळेत न पाठवण्याचा निर्णय घेतला आहे. या पोस्टद्वारे अभिनेत्याची पत्नी कांचन गंगणे हिने पोस्ट शेअर करत असं म्हटलं आहे की, “आमच्या कुटुंबासाठी एक नवीन अध्याय सुरु होत आहे. आम्ही पारंपरिक शिक्षण पद्धतीपासून दूर जाण्याचा निर्णय घेतला आहे आणि आमच्या मुलांचा प्रवास घरातून शिक्षण (Homeschooling) देत करत आहोत. जेथे शाळेच्या फीऐवजी आम्ही खऱ्या आयुष्यातील अनुभवांमध्ये, प्रवासात आणि एकत्र शिकण्यात गुंतवणूक करणार आहोत”.
आणखी वाचा – थकलेलं शरीर, कमी झोप आणि…; सततच्या शूटिंगने अभिनेत्याची वाईट अवस्था, म्हणाला, “धावपळीचा आठवडा…”
शेवटी त्यांनी लिहिलं आहे, “या चॅनलवर आम्ही आमच्या प्रवासातील प्रत्येक पाऊल शेअर करु. आनंदाचे क्षण, संघर्ष, आणि ते साहस जे आमचे वर्गखोल बनतील. दररोज सकाळी ११:११ वाजता आमच्या या प्रवासात सामील व्हा. होमस्कूलिंग, पालकत्व आणि शाळेच्या भिंतींपलीकडील जीवनाचा प्रवास. आमच्या गोष्टीत आपले स्वागत आहे”. या पोस्टखाली अनेकांनी त्यांच्या या हटके निर्णयाचं तोंडभरुन कौतुक केलं आहे.
