Dharmendra health update : ज्येष्ठ बॉलिवूड अभिनेते धर्मेंद्र यांना १२ नोव्हेंबर रोजी रुग्णालयातून डिस्चार्ज देण्यात आला आहे. ८९ वर्षीय अभिनेत्याला मुंबईतील ब्रीच कँडी रुग्णालयात दाखल करण्यात आले. त्यांच्यावर उपचार करत असलेले डॉ. प्रतित समदानी यांनी सांगितले की, धर्मेंद्रजींना सकाळी ७.३० वाजता डिस्चार्ज देण्यात आला. आणि यापुढे त्यांच्यावर घरीच उपचार व्हावेत, अशी कुटुंबाची इच्छा आहे. धर्मेंद्र यांच्यावर सध्या घरीच उपचार सुरु आहेत. याचा एक व्हिडीओ सोशल मीडियावर तुफान व्हायरल होताना पाहायला मिळत आहे. यांत धर्मेंद्र घरी असून अगदी हॉस्पिटलमध्ये असल्यासारखी त्यांची काळजी घेत आहेत.
समोर आलेल्या व्हिडीओमध्ये धर्मेंद्र यांच्यावर होणारे उपचार पाहून अर्थातच काळजी वाढत आहे. त्यांची प्रकृती नाजूक असल्याचं दिसत आहे. आणि अशावेळी त्यांचं संपूर्ण कुटुंब त्यांच्याबरोबर आहे. सनी देओल व बॉबी देओलही वडिलांची काळजी घेताना दिसत आहेत. यावेळी धर्मेंद्र यांची पहिली पत्नी प्रकाश कौरही त्यांच्या तब्येतीची विचारपूस करण्यासाठी आली होती. नवऱ्याची गंभीर अवस्था पाहून प्रकाश कौरला अश्रू अनावर झाले.
धर्मेंद्र यांना जवळ घेत प्रकाश कौर ढसाढसा रडताना दिसली. यावेळी सनी देओलने आईला जवळ घेत तिचं सांत्वन केलं. नवऱ्याची ही गंभीर अवस्था पत्नीला पाहवली नाही. व्हिडीओमध्ये त्या, धर्मेंद्र यांना एकदा उठून त्यांच्याकडे पाहायला सांगत आहेत. त्या सनीला मिठी मारून देवाकडे प्रार्थना करत आहेत की, एक वेळा त्यांना बरं कर. “माझा जीव घे पण त्यांना बरं कर”, असं त्या रडत रडत बोलताना दिसत आहेत.
धर्मेंद्र हे केवळ त्यांच्या करिअर आणि चित्रपटांमुळेच चर्चेत राहिले नाहीतर त्यांचे वैयक्तिक आयुष्यही चर्चेत राहिले. चित्रपटात येण्यापूर्वीच त्यांनी प्रकाश कौर यांच्याशी लग्न केले, जेव्हा ते १९ वर्षांचे होते. धर्मेंद्र यांनी चित्रपटांमध्ये प्रवेश केला तेव्हा ते हेमा मालिनी यांच्या प्रेमात पडले आणि त्यांच्याशी लग्न केले. लग्नानंतर हेमा मालिनी कधीही धर्मेंद्र यांच्यासोबत राहिल्या नाहीत.
