sunny deol news : ज्येष्ठ अभिनेते धर्मेंद्र रुग्णालयातून डिस्चार्ज मिळाल्यानंतर घरी परतले आहेत. त्यांच्यावर घरुनच उपचार सुरु आहेत. आता १३ नोव्हेंबरच्या सकाळी धर्मेंद्र यांचा मुलगा आणि अभिनेता सनी देओल घराबाहेर स्पॉट झाला. घराबाहेर उभ्या असलेल्या पापाराझींना पाहून सनी देओल चांगलाच संतापला. त्याला पापाराझींचा राग आला. त्याने आधी हात जोडले आणि मग संताप व्यक्त केला. या व्हिडीओमध्ये सनी देओल म्हणत आहे की, “तुम्हा लोकांना लाज वाटली पाहिजे. तुझ्या घरी आई-वडील आहेत. तुम्हाला मुले आहेत. आणि तुम्ही इथे फक्त व्हिडीओ घेण्यासाठी जात आहात. तुम्हाला लाज नाही वाटत xxx”. यावेळी सनी देओल निळ्या शर्ट-ग्रे पँटमध्ये दिसला. त्याने काळी टोपीही घातली होती.
अभिनेता धर्मेंद्र यांची प्रकृती गेल्या काही दिवसांपासून खराब आहे. ब्रीच कँडी रुग्णालयातही ते अनेक दिवस राहिले. धर्मेंद्र यांना श्वास घेण्यास त्रास होत होता. यानंतर त्यांना व्हेंटिलेटरवरही ठेवण्यात आले होते. मात्र, आता ते उपचारांना प्रतिसाद देत आहे. त्यामुळेच आता त्यांचे कुटुंबीय त्यांना घरी घेऊन आले आहेत. धर्मेंद्र यांच्यावर आता घरुनच उपचार सुरु आहेत. त्यांच्या प्रकृतीवर लक्ष ठेवण्यासाठी डॉक्टरही त्यांच्या घरी आले होते.
मुंबई, महाराष्ट्र: अभिनेता सनी देओल अपने बंगले से बाहर निकलकर पत्रकारों से हाथ जोड़कर अपनी नाराजगी जाहिर की। pic.twitter.com/YurtyQGFL1
— IANS Hindi (@IANSKhabar) November 13, 2025
धर्मेंद्र जेव्हा हॉस्पिटलमध्ये होते तेव्हा संपूर्ण कुटुंब हॉस्पिटलमध्ये होते. शाहरुख खान, सलमान खान, आमिर खान, गोविंदा, अमिषा पटेल हे बॉलिवूड कलाकार त्यांना भेटायला आले होते. अभिनेत्री आणि धर्मेंद्र यांची पत्नी हेमा मालिनी यांनीही धर्मेंद्र यांच्या प्रकृतीबाबत प्रतिक्रिया दिली आहे. त्या म्हणाल्या, “गेले काही दिवस भावनिकदृष्ट्या खूप तणावपूर्ण होते. ते सुभाष के. झा यांना म्हणाले, “माझ्यासाठी ही सोपी वेळ नव्हती. धरमजींची तब्येत आमच्यासाठी खूप चिंतेची बाब आहे. त्यांची मुले रात्रभर झोपू शकत नाहीत. मी कमजोर होऊ शकत नाही, माझ्यावर खूप जबाबदाऱ्या आहेत. पण हो, तो घरी परतला याचा मला आनंद आहे. तो रुग्णालयातून बाहेर आल्याने आम्हाला दिलासा मिळाला आहे. त्याला त्याच्या लोकांमध्ये राहण्याची गरज आहे. बाकी सर्व काही देवाच्या हातात आहे. कृपया आमच्यासाठी प्रार्थना करा”.
धर्मेंद्र घरी असून अगदी हॉस्पिटलमध्ये असल्यासारखी त्यांची काळजी घेत आहेत.शावेळी त्यांचं संपूर्ण कुटुंब त्यांच्याबरोबर आहे. सनी देओल व बॉबी देओलही वडिलांची काळजी घेताना दिसत आहेत. यावेळी धर्मेंद्र यांची पहिली पत्नी प्रकाश कौरही त्यांच्या तब्येतीची विचारपूस करण्यासाठी आली होती. नवऱ्याची गंभीर अवस्था पाहून प्रकाश कौरला अश्रू अनावर झाले.
