‘सातव्या मुलीची सातवी मुलगी’ या मालिकेतून अभिनेत्री तितीक्षा तावडे घराघरांत पोहोचली आहे. तितीक्षाने आजवर तिच्या अभिनयाने रसिक प्रेक्षकांची मनं जिंकली आहेत. मालिकेत तितीक्षा नेत्रा ही भूमिका साकारत आहे. तिच्या नेत्रा या पात्राला प्रेक्षकांचं विशेष प्रेम मिळताना पाहायला मिळत आहे. मालिकेमुळे नेहमीच चर्चेत असणारी ही अभिनेत्री सोशल मीडियावरही सक्रिय असते. नेहमीच ती सोशल मीडियावर काही ना काही शेअर करत असते. (Titeeksha Tawde On Baby Planning)
अशातच तितीक्षाने तिच्या इन्स्टाग्राम अकाउंटवरुन चाहत्यांशी प्रश्नोत्तरांचा एक सेगमेंट घेतला. तितीक्षाने या सेगमेंटमध्ये विचारलेल्या प्रश्नाची उत्तरे तिच्या युट्युब चॅनेलच्या व्हिडिओमधून दिली आहे. यावेळी तिने चाहत्यांच्या अनेक प्रश्नाची उत्तरे दिली आहेत. यापूर्वी तितीक्षाने अनेकदा चाहत्यांसह संवाद साधला आहे. सोशल मीडियावर सक्रिय असल्याने नेहमीच ती तिच्या चाहत्यांच्या संपर्कात राहत असते. अशातच एका चाहतीने बेबी प्लॅनिंगबद्दल तिला प्रश्न विचारला आहे.
तितीक्षाला एका चाहतीने प्रश्न विचारला आहे की, “बेबी प्लॅन कधी करणार आहेस?”, असं म्हटलं आहे. यावर उत्तर देत तितीक्षा म्हणाली, “आताच लग्न झालं आहे. अवघे चार महिने लग्नाला झाले आहेत. आता लगेच इतक्यात बेबी प्लॅन कुठे करणार. पण अजून वेळ आहे. अजून आम्ही या गोष्टीवर काहीच विचार केला नाही आहे. नंतर बघू”, असं म्हटलं आहे. एकूणच नुकतंच लग्न झालं असून बेबी प्लॅनिंगचा विचार सिद्धार्थ व तितीक्षाने केला नसल्याचं समोर आलं आहे.
तितीक्षा तावडेने २६ फेब्रुवारी रोजी अभिनेता सिद्धार्थ बोडकेसह लग्नगाठ बांधली. तितीक्षा व सिद्धार्थच्या लग्नाची बरीच चर्चा सोशल मीडियावर रंगलेली पाहायला मिळाली. अगदी थाटमाट आणि शाही पद्धतीने या दोघांची विवाहसोहळा संपन्न झाला. अगदी जवळचे नातेवाईक, कलाकार मंडळींच्या उपस्थितीत तितीक्षा व सिद्धार्थने लग्न केले. लग्नानंतरही ही जोडी बरेचदा चर्चेत असलेली पाहायला मिळते. दोघेही त्यांच्या युट्युब चॅनेलवरुन व्हिडीओ शेअर करत संपर्कात राहत असतात.