झी मराठी वाहिनीवरील ‘सातव्या मुलीची सातवी मुलगी’ या मालिकेत एकामागून एक नवनवीन ट्विस्ट हे येतच असतात. त्यामुळे मालिकेत येणारा प्रत्येक नवीन ट्विस्ट पाहण्यासाठी प्रेक्षक आतुर असतात. मालिकेतील हे नवनवीन ट्विस्ट पाहण्याची प्रेक्षकांना कायमच उत्सुकता लागून राहिलेली असते. अनेक उत्कंठावर्धक व रहस्यमय कथानकाने या लोकप्रिय मालिकेने सर्वांची मनं जिंकली आहेत. मालिकेत येणारे नवनवीन ट्विस्ट हीच या मालिकेची जमेची बाजू आहे.
मालिकेत नुकतंच रुपालीने घरातील सदस्यांना तिला विरोचकाच्या शक्तीने संमोहित केल्याचे पाहायला मिळत आहे. मालिकेत रुपालीने फाल्गुनी व केतकी काकूलं संमोहित केले आहे. रुपालीने त्या दोघींना घरातील इतर कोणत्याही व्यक्तीचे काहीच ऐकायचे नाही असं सांगितले असून तिने नुकतंच पोलिसांना बोलावले असल्याचे पाहायला मिळाले. त्यामुळे घरात पोलिस येतात आणि मग रुपाली राजाध्यक्ष कुटुंबीय घरातील व्यक्तींचा छळ होत असल्याचं म्हणते. यानंतर पोलिस घरी येताच रुपाली त्या पोलिसांनादेखील संमोहित करते.
अशातच आता मालिकेचा नुकताच नवीन प्रोमो प्रदर्शित झाला आहे. यामध्ये रुपाली फ्रीजमध्ये बसलेली असताना शेखर तिला पाहून दचकतो आणि रुपाली त्याच्या डोळ्यांत पाहून त्यालाही संमोहित करते. अशातच आता नवीन प्रोमोमध्ये नेत्रा रुपालीच्या खोलीचा दरवाजा थोठावताना दिसत आहे. तर रुपाली धारदार शस्त्राने कुणाचा तरी बळी घेत असल्याचे पाहायला मिळत आहे. त्यामुळे रुपाली दरवाजा उघडताच तिच्या हातातील शस्त्राला रक्त लागलेले पाहून नेत्रालाही धक्का बसतो.
त्यामुळे मालिकेत आता कुणाचा बळी गेला आहे. रुपालीने कुणाचा जीव घेतला आहे? हे येणाऱ्या भागांत पाहायला मिळणार आहे. रुपालीने वशीकरण करुन घेतलेल्या बळीमुळे मालिकेच्या कथानकाला आणखी एक नवीन वळण आले आहे. त्यामुळे आगामी भागात आणखी नवीन ट्विस्ट पाहायला मिळत आहे. यासाठी मालिकेचे प्रेक्षक खूपच उत्सुक आहेत.
