झी मराठी वाहिनीवरील सातव्या मुलीची सातवी मुलगी मालिका गेली काही दिवस अनेक ट्विस्ट्समुळे चांगलीच चर्चेत आहे. मालिकेत गेले काही दिवस एकामागून एक अनेक रहस्यमय ट्विस्ट येत असल्याने ही मालिका प्रेक्षकांचे लक्ष वेधून घेत आहे. रहस्यमय कथानक, नवनवीन ट्विस्ट्स व कलाकारांच्या उत्तम अभिनयाने छोट्या पडद्यावरील या मालिकेने सध्या सर्वांचेच लक्ष वेधून घेतले आहे. मालिकेत अस्तिकाच्या अंतानंतर नुकताच रुपालीचादेखील अंत झाला असल्याचे पाहायला मिळालं.
अद्वैतला वाचवताना नेत्रा विरोचकाचा वध करते. मात्र, यामुळे विरोचकाचा अंत होत नाही. यानंतर विरोचक पुन्हा जीवंत होते आणि तिला दक्षिण दिशेकडे कुणीतरी बोलवतानाचे पाहायला मिळाले आहे. यानंतर विरोचकाला संमोहन शक्तीदेखील मिळाली आहे. ज्याचा विरोचक राजाध्यक्ष कुटुंबियांविरुद्ध वापर करत आहे. नुकतंच मालिकेत विरोचकाने केतकी राजाध्यक्षला संमोहित केल्यामुळे ती स्वत:वर चाकू उगारत असल्याचे पाहायला मिळाले.
अशातच नुकत्याच आलेल्या एका नवीन प्रोमोमध्ये विरोचक केतकीच्या अंगावर बसला असून ती त्याला संमोहित करत असल्याचे पाहायला मिळत आहे आणि केतकीच्या शरीराचा वापर करुन विरोचक संपूर्ण कुटुंबाला त्रास देत असल्याचे पाहायला मिळत आहे. केतकी राजाध्यक्षला संमोहित केल्यामुळे ती स्वत:वर चाकू उगारत आहे. त्यामुळे तिला वाचवायला जाताना ती राजाध्यक्ष कुटुंबीयांना जवळ न येण्याची धमकीही देते.
या व्हिडीओमध्ये विरोचक केतकीच्या अंगावर बसून तिला “आता विरोचक बोलणार तेच घडणार. तुझा आत्मा, तुझा शरीर, तुझा मेंदू, आता या विरोचकाच्या ताब्यात आहे” असं म्हणते. तसेच या व्हिडीओद्वारे विरोचक अधिकच ताकदवार झाल्याचे दिसून येत आहे. त्यामुळे आता विरोचकांच्या या शक्तीविरुद्ध नेत्रा-इंद्राणीसह राजाध्यक्ष कुटुंबीय कसे लढणार?, नेत्रा स्वत” विरोचकाच्या या शक्तीविरुद्ध कशी लढणार? हे पाहणे उत्सुकतेचे ठरणार आहे.
