छोट्या पडद्यावरील सध्या चांगलीच चर्चेत असलेली मालिका म्हणजे ‘सातव्या मुलीची सातवी मुलगी’. मालिकेत दिवसेंदिवस येणाऱ्या नवनवीन ट्विस्टमुळे ही मालिका प्रेक्षकांचे चांगलेच मनोरंजन करत आहे. मालिकेतील अनेक ट्विस्टमुळे, खिळवून ठेवणाऱ्या कथानकामुळे त्याचबरोबर कलाकारांच्या अभिनयामुळे ही मालिका बघण्याचा प्रेक्षकांचा कल अधिकच वाढत आहे. सासू-सूनांच्या कुरघोड्या न् दाखवता एका त्रिनयना व विरोचक यांच्यातील युद्धावर या मालिकेचे कथानक आहे.
अशातच मालिकेत नेत्राने अस्तिकाचा अंत केला असल्याचे पाहायला मिळाले. अस्तिकानंतर नेत्राने विरोचकाचादेखील वध केला. काही दिवसांपूर्वी आलेल्या एका प्रोमोमध्ये विरोचक अद्वैतचा गळा पकडत त्याला मारण्याचा प्रयत्न करत असते. तेव्हा अद्वैतचा जीव वाचवण्यासाठी नेत्रा विरोचकाचा वध करते. मात्र, यामुळे विरोचकाचा अंत होत नाही. यानंतर विरोचक पुन्हा जीवंत होते आणि तिला दक्षिण दिशेकडे कुणीतरी बोलवतानाचे पाहायला मिळाले आहे. त्यामुळे ती दक्षिण दिशेकडे तिला बोलवणाऱ्या व्यक्तीच्या शोधात निघाली असल्याचे पाहायला मिळत आहे.
आणखी वाचा – “तुझा नवरा किती हॉट?”, प्रथमेश परबच्या बायकोला टॅग करत सुप्रसिद्ध अभिनेत्याची कमेंट, पार्टीमधील लूक चर्चेत
अशातच आता पुन्हा एकदा एका नवीन ट्विस्टमुळे मालिका एका रंजक वळणावर आली आहे. रुपालीला दक्षिण दिशेकडे जाण्याचे संकेत मिळत आहेत. त्यामुळे या आवाजाच्या दिशेने रुपाली चालत आहे. त्या दिशेने जात असतानाच रुपालीच्या हाती विरोचकाकडून एका वाद्याची खूण मिळते, जे दिसायला वीण्यासारखे आहे. मात्र या वीण्याला दोन तंबोरे आहेत आणि तेही उलट दिशेने. दरम्यान, या वाद्याचे वादन करुन रुपलीला एक शक्ती प्राप्त होणार आहे.
त्यामुळे आता या शक्तीचा वापर करुन रुपाली राजाध्यक्ष कुटुंबावर कोणतं नवीन संकट आणणार? यामुळे राजाध्यक्ष कुटुंबियांसह नेत्रा-अद्वैत यांच्यावर काय परिणाम होणार? किंवा नेत्रा-अद्वैत विरोचकाच्या या शक्तीविरुद्ध कसे लढणार? हे पाहणे उत्सुकतेचे ठरणार आहे. त्यामुळे मालिकेचे प्रेक्षक आगामी भागांची आतुरतेने वाट पाहत आहेत.
