टेलिव्हिजनवरील लोकप्रिय अभिनेत्री दीपिका कक्कर ही नेहमी चर्चेत असते. ती सध्या अभिनयापासून दूर असली तरीही सोशल मीडियाच्या माध्यमातून नेहमी चाहत्यांच्या संपर्कात असते. इन्स्टाग्राम, युट्यूबच्या मध्यामातून ती तिच्या आयुष्यातील अनेक प्रसंग चाहत्यांबरोबर शेअर करत असते. तिने तिचा सहकलकार शोएब इब्राहिमबरोबर लग्न केले. ही मनोरंजन क्षेत्रातील लोकप्रिय जोडी आहे. दोघेही विडिओ बनवून चाहत्यांबरोबर शेअर करत असतात. २०२३ साली रुहान नावाचा मुलगा झाला. त्यानंतर शोएब ‘झलक दिखला जा’च्या ११ व्या सीझनमध्येही दिसून आला होता. यावेळी तो आपल्या मुलाला घेऊन सेटवरही आला होता. (dipika kakkar on second pregnancy)
दीपिका अभिनयापासून दूर झाली असली तरीही शोएब मात्र अनेक शोमध्ये दिसून येत आहे. हा शो करत असताना दीपिका मुलगा रुहानला सेटवर घेऊन आली होती. त्यावेळी दीपिकाचे वजन वाढलेले पाहून ती पुन्हा गरोदर असल्याचा सर्वांनी अंदाज बांधला.
ईदच्या दिवशी व्लॉगच्या दरम्यान शोएबने दुसऱ्या बाळाबद्दलची इच्छा बोलून दाखवली. तो म्हणाला होता की, “अल्लाहची कृपा असेल आणि दुसरे मुल होईल. हे तुम्हाला माहीत पडेलच. जेव्हा वेळ येईल तेव्हा या गोष्टी होणार आहेतच. पण सध्या हे खरं नाही”.
मिळालेल्या माहितीनुसार, दीपिका दुसऱ्यांदा गरोदर नाही आहे. रुहानच्या जन्मानंतर तिचे वजन वाढले आहे. ती पुन्हा एकदा पडद्यावर येण्यासाठी प्रयत्न करत आहे. पण जेव्हा तिचा एखादा व्हिडीओ येतो तेव्हा मात्र तिला तिच्या गरोदरपणाबद्दल विचारले जाते. सूत्राने पुढे सांगितले की, दुसऱ्या प्रेग्नन्सीच्या चर्चामुळे ती खूप चिडली होती. या बातम्यांनी ती खुश नव्हती. त्यामुळे या अफवांवर प्रतिक्रिया करणेही सोडले आहे.
दरम्यान सध्या दीपिका तिच्या वैवाहिक आयुष्यामध्ये खूप खुश आहे. ती युट्यूबच्या माध्यमातून घरात घडणारे सर्व प्रसंग आपल्या चाहत्यांसमोर शेअर करत असते. ईदच्या दिवशी तिने केलेली सर्व तयारी, इफ्तारी व ईद कशी साजरी केली याबद्दलचा व्हिडीओ शेअर केला आहे. या व्हिडीओला अनेकांनी पसंत केला आहे.
