satish shah prayer meet : अभिनेते सतीश शाह यांचे तीन दिवसांपूर्वी म्हणजे २५ ऑक्टोबर रोजी झालेल्या आकस्मिक निधनामुळे संपूर्ण मनोरंजन जगताला मोठा धक्का बसला आहे. आपल्या अतुलनीय विनोदी आणि दिलदार व्यक्तिमत्त्वासाठी ओळखल्या जाणाऱ्या या ज्येष्ठ अभिनेत्याचे मूत्रपिंड निकामी झाल्याने निधन झाले असल्याचं समोर आलं. सतीश यांच्या निधनाच्या बातमीने साऱ्या मनोरंजनविश्वाला खूप मोठा धक्का बसला. इतकंच नाहीतर त्यांच्या चाहत्यांनाही हा धक्का न पचवता येणारा होता. ‘साराभाई वर्सेस साराभाई’, ‘जाने भी दो यारो’ आणि ‘मैं हूँ ना’ या चित्रपटांमधील भूमिकांसाठी प्रसिद्ध असलेला हा अभिनेता दीर्घकाळापासून किडनीशी संबंधित समस्यांनी त्रस्त होते.
सोमवार, २७ ऑक्टोबर रोजी सायंकाळी ५:३० ते ७:३० या वेळेत त्यांच्या स्मरणार्थ जलाराम हॉल, जुहू, मुंबई येथे प्रार्थना सभेचे आयोजन करण्यात आले होते. सर्वप्रथम, सतीश शाह यांच्या पत्नी मधु शाह या प्रार्थना सभेचा भाग होण्यासाठी अश्रू डोळ्यांत घेऊन उपस्थित होत्या. दोन लोक पकडून त्यांना घेऊन आले होते. आणि यावेळी चेहऱ्यावर दुःख स्पष्ट दिसत होते. गेले ५० वर्ष सतीश शाह आणि मधु शाह एकत्र होते. त्यांचा सुखाचा संसार सुरु होता मात्र सतीश यांच्या निधनाने त्यांचा हा प्रवास अर्धवट राहिला.
आणखी वाचा – प्रार्थना बेहेरेला पितृशोक, वडिलांचे अपघातात निधन, भावुक पोस्ट करत म्हणाली, “डोळ्यांतील पाणी…”
दिवंगत अभिनेत्याला श्रद्धांजली वाहण्यासाठी आयोजित केलेल्या प्रार्थना सभेला अनेक कलाकार उपस्थित होते. प्रथम आलेल्यांमध्ये सुमीत राघवन होते, जो आपल्या कुटुंबासह कार्यक्रमाला उपस्थित होता. त्यांच्या निधनावर शोक व्यक्त करण्याव्यतिरिक्त, त्यांचे कुटुंब, जवळचे मित्र आणि सहकारी त्यांचे वैशिष्ट्य असलेल्या औदार्य, दयाळूपणा आणि विनोदबुद्धीला श्रद्धांजली वाहण्यासाठी एकत्र आले.
आणखी वाचा – तेजस्विनी लोणारीचा शाही थाटामाटात साखरपुडा समारंभ संपन्न, होणार शिवसेना नेत्याची सून, फोटो व्हायरल
रविवारी, त्यांचे मित्र, कुटुंबीय आणि चित्रपट क्षेत्रातील लोक त्यांच्या अंत्यसंस्कारासाठी मुंबईतील पवन हंस स्मशानभूमीत जमले होते. यावेळीही त्यांच्या पार्थिवाला पाहून अनेकांना अश्रू अनावर झाले.
