satish shah last rites : बॉलिवूडचे ज्येष्ठ अभिनेते सतीश शाह यांच्या निधनाने सर्वांनाच दुःख झाले आहे. ७४ वर्षीय अभिनेत्याचे शनिवार, २५ ऑक्टोबर रोजी निधन झाले आणि आज २६ तारखेला त्यांच्या पार्थिवावर अंत्यसंस्कार करण्यात आले. सतीश शाह यांना निरोप देण्यासाठी चित्रपट आणि टीव्ही इंडस्ट्रीतील अनेक सेलिब्रिटी आले होते. रुपाली गांगुली, सुमीत राघवन आणि राजेश कुमार ही कलाकार मंडळी सतीश यांच्या अंतिम संस्काराला ढसाढसा रडताना दिसली. या तिघांनीही सतीशसोबत ‘साराभाई वर्सेस साराभाई’मध्ये काम केले होते. सतीश शाह यांना अखेरच्या प्रवासाला जाताना पाहून सर्वांचे डोळे पाणावले.
सतीश शाह यांना स्वतःचे मूल नव्हते, त्यामुळे त्यांचा ऑनस्क्रीन मुलगा राजेश कुमार यांच्याशिवाय अशोक पंडित यांनी त्यांच्या पार्थिवाला खांदा दिला. त्याचवेळी सतीश शाह यांच्या पत्नीची प्रकृती वाईट आहे. यावेळी त्यांच्यावर काय परिस्थिती ओढावली कल्पना करणे कठीण आहे. सतीश शाह किडनीच्या समस्येने त्रस्त होते आणि काही काळापूर्वी त्यांच्यावर किडनी प्रत्यारोपणही करण्यात आले होते. हिंदुजा रुग्णालयात त्यांनी अखेरचा श्वास घेतला.
#WATCH | Maharashtra: The last rites of veteran Bollywood and TV actor Satish Shah, who passed away yesterday, are being performed at Pawan Hans, Vile Parle (West), Mumbai. pic.twitter.com/7HuiT1LK4R
— ANI (@ANI) October 26, 2025
राजेश कुमार यांनी सतीश शाह यांच्या खांद्याला खांदा दिला. ‘साराभाई व्हर्सेस साराभाई’ या टीव्ही शोमध्ये त्यांनी सतीशच्या मुलाची भूमिका साकारली होती. सतीश शाह यांच्या अंत्यसंस्काराला बॉलिवूड आणि टीव्ही जगतातील अनेक स्टार्स उपस्थित होते. नसीरुद्दीन शाह त्यांच्या मुलासोबत दिसले तेव्हा दिलीप जोशी, दिलीप ताहिर, सुमित राघवन, जेडी मजेठिया, नील नितीन मुकेश आणि इतर कलाकार त्यांना अंतिम निरोप देण्यासाठी स्मशानभूमीत पोहोचले. दरम्यान, ‘अनुपमा’ अभिनेत्री रुपाली गांगुलीचा व्हिडीओ इंटरनेटवर सर्वांचे लक्ष वेधून घेत आहे, ज्यामध्ये ती अभिनेत्याच्या पार्थिवाजवळ रडताना दिसत आहे.
