प्रत्येक कलाकार चित्रपटात काम करण्यासाठी बरीच मेहनत करतात. पण तोच जर ऐतिहासिक चित्रपट असेल, तर त्यासाठी अधिक मेहनत करावी लागते. ऐतिहासिक भूमिका साकारण्यासाठी सरावाला प्रचंड महत्व आहे. त्यामुळे त्या चित्रपटाचे शूटिंग सुरू करण्यापूर्वी कलाकार कठोर प्रशिक्षण घेत असतात. घोडेस्वारी, तिरंदाजी व अन्य कौशल्ये तसेच चित्रपटात वापरली जाणारी बोलीभाषा आणि शैली या सर्व गोष्टी चित्रपटातील कलाकारांना शिकवल्या जातात. त्या पात्रांच्या भूमिकेत खरे उतरण्यासाठी कलाकार कोणतीही कसर सोडत नाहीत.
मराठी चित्रपटसृष्टीतील लोकप्रिय अभिनेता संतोष जुवेकर नेहमीच वैविध्यपूर्ण कलाकृतींमध्ये झळकतो. त्याची झलक त्याच्या अनेक भूमिकांमधून आपल्याला पाहायला मिळाली. अनेक मराठी चित्रपट करणारा संतोष आता अभिनेता विकी कौशलच्या ‘छावा’ या ऐतिहासिक हिंदी चित्रपटात दिसणार आहे. चित्रपटातील त्याची भूमिका अद्याप समोर आली नसून त्या भूमिकेसाठी मात्र संतोष जुवेकर कठोर प्रशिक्षण घेताना दिसत आहे. (santosh juvekar viral video)
संतोष जुवेकरचा ‘हा’ व्हिडिओ येतोय चर्चेत (santosh juvekar viral video)
अभिनेता संतोष जुवेकरने सोशल मीडियावर एक व्हिडिओ पोस्ट केला आहे. ज्यात तो ढाल व तलवार हाती घेत तलवारबाजीचा सराव करताना दिसत आहे. हा व्हिडिओ पोस्ट करताना संतोषने लिहिलंय, “तालमीला सुरवात केली आणि पुढच्या २० मिनिटात दमून घामाच्या धरा सुरु झाल्या. तेही लाकडाची तलवार आणि अगदीच तालमीसाठी वापरायची ढाल घेऊन. तेव्हा खरंच पुन्हा एकदा जाणीव झाली ती चार ते पाच किलोची तलवार आणि ती ढाल घेऊन माझे मावळे दिवसभर अगदी सूर्यास्तापर्यंत न थांबता तेवढ्याच ताकतीने कसे लढले असतील. नुस्ता विचार केला तरी थरकाप उडतो.”
“आज जेव्हा तालमीला जातो तेव्हा ती लाकडी तलवार हातात घेतल्यावर जे काही वाटत असेल ते नाही शब्दात सांगू शकत ते अनुभवायलाच हवं. आपल्या राजाच्या आदेशावरून त्याच्यावर जीव ओवाळून टाकण्यात आणि निधड्या छातीनं आपल्या हिंदवी स्वराज्यासाठी लढण्यात जी नशा आणि जी ताकत होती ती माझ्या त्या शिवरायांच्या मावळ्यालाच ठाऊक. धन्य ती जिजाऊ, धन्य ते शिवराय आणि धन्य तो माझा प्रत्येक मर्द मराठा मावळा त्रिवार मुजरा समद्यास्नी. ह्या माझ्या मावळ्यांच्या आशीर्वादानेच ह्या माझ्या मावळ्यांच्या चरणी एक पुष्प अर्पण करण्याचा प्रयत्न करतोय. आशिर्वाद आणि साथ असूदे रे महाराजा” (santosh juvekar viral video)
अभिनेता संतोष जुवेकरने ‘फक्त लढा म्हणा’, ‘रेगे’, ‘झेंडा’, ‘मोरया’, ‘रावरंभा’ अशा अनेक चित्रपटांमध्ये काम केलं आहे. नुकतंच संतोषचा ‘डेट भेट’ हा चित्रपट प्रदर्शित झाला. ज्यात अभिनेत्री सोनाली कुलकर्णी व हेमंत ढोमेही दिसले आहेत. (santosh juvekar)
हे देखील वाचा : विशाखा सुभेदार अभिनयक्षेत्रात येण्याआधी विकायची लोकल ट्रेनमध्ये ड्रेस, म्हणालेली, “नोकरी करत होती तेव्हा…”
