Karisma Kapoor-Sanjay Kapoor Divorce Reason : बॉलिवूड अभिनेत्री करिश्मा कपूरचे पूर्वाश्रमीचे पती संजय कपूर यांचे निधन झाले आहे. पोलो खेळत असताना संजय कपूर यांना हृदयविकाराचा झटका आला आहे. आणि त्यांनी वयाच्या ५३ व्या वर्षी जगाला निरोप दिला. संजय कपूरने २००३ मध्ये करिश्मा कपूरशी लग्न केले, परंतु लग्नाच्या १३ वर्षांनी २०१६ मध्ये त्यांचा घटस्फोट झाला. करिष्मा कपूरच्या पूर्वाश्रमीच्या पतीच्या निधनानंतर सर्वत्र शोक व्यक्त केला जात आहे. करिष्मा कपूर व संजय कपूर यांनी मुंबईत अगदी धुमधडाक्यात लग्नगाठ बांधली. परंतु या दोघांच्या नात्यात लग्नानंतर अनेक अडचणी येऊ लागल्या आणि अभिनेत्रीने घटस्फोटासाठी अर्ज केला. करिश्माने संजयवर गंभीर आरोप केले होते, ज्यात शारीरिक त्रासाचा, घरगुती हिंसाचाराचा आरोप करण्यात आला.
माध्यमांच्या वृत्तानुसार, करिश्मा कपूर हिने संजय कपूरवर आरोप केला की, व्यावसायिकाने हनीमूनच्या वेळी अभिनेत्रीचा लिलाव केला. अभिनेत्रीने असा दावा केला होता की संजयने तिला तिच्या मित्राबरोबर संबंध ठेवायला भाग पाडले होते, ज्यासाठी त्याच्याकडून किंमत घेतली होती. २०१६ मध्ये करिश्माने संजय आणि त्याच्या आईविरुद्ध घरगुती हिंसाचाराचा खटला दाखल केला.
करिश्मा कपूर आणि संजय कपूर यांना दोन मुले आहेत. लग्नाच्या दोन वर्षांनंतर, दोघांनाही २००५ मध्ये अदारा नावाची मुलगी झाली. २०११ मध्ये करिश्मा आणि संजय यांना एक मुलगा झाला ज्याचे नाव कियान असे आहे. जेव्हा करिश्माने घटस्फोटाचा खटला दाखल केला तेव्हा तिने मुलांचा ताबा मागून घेतला. कोर्टाने अभिनेत्रीच्या बाजूने निकाल देऊन दोन्ही मुलांचा ताबा तिला दिला.
संजय कपूरच्या घटस्फोटानंतर करिश्मा कपूरने पुन्हा लग्न केले नाही. ती सिंगल मदर म्हणून आपल्या दोन्ही मुलांना वाढवत आहे. घटस्फोटाच्या एका वर्षानंतर संजय पुन्हा प्रेमात पडला आणि त्याने तिसऱ्यांदा प्रिया सचदेवशी लग्न केले. करिश्माआधीही संजयने फॅशन डिझायनर नंदिता महातानीशी लग्न केले होते.
