ओटीटी वापरकर्त्यांसाठी येता आठवडा खास असणार आहे. १६ फेब्रुवारीला ओटीटी प्लॅटफॉर्मवर अनेक मोठे चित्रपट प्रदर्शित होणार आहेत. बॉक्स ऑफिसवर धुमाकूळ घातल्यानंतर हे चित्रपट आता ओटीटीवर प्रदर्शित होण्यासाठी सज्ज झाले आहेत. त्यामुळे येत्या आठवड्यात ओटीटी वापरकर्त्यांसाठी मनोरंजनाची पर्वणी असणार आहे. चला तर जाणून घेऊयात येत्या आठवड्यात प्रदर्शित होणारे हे लोकप्रिय चित्रपट कोणते?
सालार : प्रभासची मुख्य भूमिका असलेला ‘सालार’ या चित्रपटाने बॉक्स ऑफिसवर चांगली कमाई केली. सॅकनिल्कच्या माहितीनुसार, ‘सालार’ने भारतात ४०० कोटी रुपयांपेक्षा जास्त कमाई केली होती. अशातच आता हा चित्रपट ओटीटीवरही प्रदर्शित झाला, मात्र चित्रपटाची हिंदी आवृत्ती अद्याप प्रदर्शित झालेली नव्हती. त्यामुळे अनेक चाहते साला’च्या हिंदी आवृत्तीची वाट पाहत होते. दरम्यान, १६ फेब्रुवारीपासून सालार हिंदी भाषेतही प्रदर्शित होणार आहे. डिस्नी प्लस हॉटस्टार या ओटीटी माध्यमावर ‘सालार’ हिंदी प्रदर्शित होणार आहे.
आणखी वाचा – प्रथमेश परबनंतर सुप्रसिद्ध मराठी दिग्दर्शक समीर विद्वांसचा साखरपुडा सोहळा संपन्न, फोटो सोशल मीडियावर व्हायरल
द केरला स्टोरी : अदा शर्माची मुख्य भूमिका असलेला ‘द केरला स्टोरी’ या चित्रपटाने बॉक्स ऑफिसवर चांगले यश मिळवले होते आणि आता हा चित्रपट ओटीटीवरही प्रदर्शित होण्यासाठी सज्ज झाला आहे. हा चित्रपट १६ फेब्रुवारीपासून झी-५ या ओटीटी माध्यमावर प्रदर्शित होणार आहे. या चित्रपटात मुख्य भूमिका साकारणाऱ्या अदा शर्माने सोशल मीडियावर यासंदर्भातील एक पोस्ट शेअर केली आहे. “बहुप्रतिक्षित चित्रपट ‘द केरला स्टोरी’ १६ फेब्रुवारीपासून झी-५वर प्रदर्शित होणार आहे” असं म्हणत तिने ही पोस्ट शेअर केली आहे.
डंकी : शाहरुख खानच्या ‘पठाण’ व ‘जवान’ या चित्रपटांनी चित्रपटगृहांत बक्कळ कमाई केली होती. २०२३च्या शेवटी म्हणजेच डिसेंबरमध्ये प्रदर्शित झालेल्या ‘डिंकी’नेही बॉक्स ऑफिसवर चांगली कमाई केली. त्यामुळे ज्या प्रेक्षकांना हा चित्रपट चित्रपटगृहांमध्ये पाहता आला नव्हता, ते आता ओटीटीवर हा चित्रपट येण्याची वाट पाहत आहेत. अनेक मीडिया रिपोर्ट्समध्ये असा दावा करण्यात आला आहे की, ‘डिंकी’ चित्रपट १६ फेब्रुवारीपासून ओटीटीवर प्रदर्शित होऊ शकतो. जिओ सिनेमा या ओटीटी माध्यमावर चित्रपट प्रदर्शित होण्याची शक्यता आहे. मात्र, याबद्दल अद्याप कोणतीही अधिकृत घोषणा करण्यात आलेली नाही.