अनेकदा आपण पाहिलं आहे की, कलाकारांना आपल्या मुलांना कॅमेरापासून दूर ठेवायला आवडतं. त्यांच्या मुलांना अनावश्यक प्रसिद्धी मिळू नये, ज्याची त्यांना या वयात गरज नाही असंही अनेक कलाकार पालकांचं म्हणणं असतं. सैफ अली खान व करीना कपूर यांनी नुकत्याच दिलेल्या मुलाखतींमध्ये, कलाकारांच्या मुलांबद्दल केलेलं भाष्य चर्चेत आलं आहे. सैफ व करीना यांची दोन्ही मुले तैमूर व जेह यांच्याबद्दल खूप चर्चा आहे. (Saif Ali Khan And Kareena Kapoor)
स्टारकिड्स व नेपोटिझमसारख्या मुद्द्यांवर सैफ व करीनाने ‘फिल्म कम्पेनियन’ सह चर्चा करताना भाष्य केलं. सिनेतारकांच्या मुलांकडे लक्ष वेधले जाते यावर ते म्हणाले की, प्रेक्षकांना आधीपासूनच त्या स्टारकिड्समध्ये रस असतो. लहानपणीच ते लोकप्रिय होतात, त्यांचे फोटो काढण्यात येतात, त्यांना पाहायला गर्दी होते.तैमूर खेळत होता , तेव्हा त्याचे फोटो काढायला एकच गर्दी झाली होती. त्याचे व्हिडीओ, रील व्हायरल होतात. आम्हाला हे नकोय. आम्ही मुलांना जन्म देतो पण मीडिया , फोटोग्राफर्स आणि चाहते त्यांना स्टारकिड्स बनवतात, असं सैफनं म्हटलं आहे.
सैफ अली खानने त्याची मुलं तैमूर व जेह यांच्याबाबत बोलताना सांगितले की, “पापाराझी त्यांच्या प्रत्येक हालचालीवर लक्ष ठेवतात. काहींनी तर तैमूरच्या तायक्वांदो सरावाची छायाचित्रे कॅप्चर केली आहेत आणि नंतर ती इंटरनेटवर व्हायरल केली आहेत. त्यांनतर तो हसत हसत म्हणाला की, “तो जन्मत: स्टारचा मुलगा असल्यामुळे त्याच्या स्टारकिडच्या स्थितीचा खरा आकार पत्रकार, छायाचित्रकार व प्रेक्षक यांच्याकडून घडवला जातो”.
करीना म्हणाली की, “बॉलिवूडमधल्या लोकप्रिय घराण्यात जन्माला आलं, लोकप्रिय आडनाव लागेलही, पण मग टॅलेंटचं काय? तुमच्याकडं टॅलेंट असेल तरच तुम्ही काही तरी करु शकता”. असं करिनानं म्हटलं आहे. “तसंच सोशल मीडियाच्या या जगात कुणीही स्टार नाही आहे. तुम्हाला लाखो फॉलोअर्स आहेत, तुमच्या फोटोला हजारोंमध्ये लाइक्स येतात, म्हणजे तुम्ही स्टार नाहीत, तुम्हाला तुम्ही स्टार आहात हे कामातूनच सिद्ध करावं लागेल” असंही ती म्हणाली.