akash nalawade news : मराठी कलाविश्वात अशी काही कलाकार मंडळी आहेत ज्यांनी लग्नाच्या, साखरपुड्याच्या, आई-बाबा झाल्याच्या वा आई-बाबा होणार असल्याच्या आनंदाच्या बातम्या दिल्या आहेत. ही कलाकार मंडळी त्यांचा आनंदाचा क्षण नेहमीच चाहत्यांसह शेअर करतात. अशातच आता मालिकाविश्वातील एका अभिनेत्याने चाहत्यांसह गुडन्यूज शेअर केली आहे. अभिनेत्याने इंस्टाग्राम अकाउंटवर पोस्ट शेअर करत ही आनंदाची बातमी दिली आहे. अभिनेता लग्नानंतर दोन वर्षांनी बाबा होणार असल्याची ही बातमी आहे. मालिकाविश्वातील लोकप्रिय असलेल्या या अभिनेत्याचे नाव आहे आकाश नलावडे.
‘साधी माणसं’ या मालिकेमुळे आकाशला खऱ्या अर्थाने लोकप्रियता मिळाली. आज ८ सप्टेंबर रोजी आकाश नलावडेचा वाढदिवस आहे. आणि वाढदिवसाचे औचित्य साधत आकाशने बाबा होणार असल्याची गुडन्यूज दिली. आकाशची पत्नी रुचिकाने, बॅकग्राऊंडला प्रेग्नन्सी टेस्ट किटचा फोटो शेअर करत ही आनंदाची बातमी सर्वांना दिली आहे. रुचिकाने यावर, “आमच्या घरी लवकरच बाळाचं आगमन होणार आहे. आम्ही प्रेग्नंट आहोत. देवा तुझे खूप खूप आभार”, असं कॅप्शन देत ही आनंदाची बातमी दिली आहे.
रुचिका पोस्टच्या कॅप्शनमध्ये लिहिते, “ही आनंदाची बातमी अनेक दिवस आम्ही गुपित ठेवली होती”. यापुढे तिने “Baby Arriving”, “लव्ह”, “आमच्या घरचा नवीन सदस्य” असे हॅशटॅग्ज दिले आहेत. ya पोस्टवर मराठी कलाकारांसह नेटकऱ्यांनी कौतुकाचा वर्षाव केला आहे. शिवानी बावकर, पूजा बिरारी, साक्षी गांधी, कुंजिका काळवींट, अशोक फळदेसाई, दिगंबर नाईक यांनी कमेंट्समध्ये प्रतिक्रिया देत आकाश व रुचिका यांना शुभेच्छा दिल्या आहेत.
आणखी वाचा – “आनंद कमी आणि…”, सुप्रसिद्ध अभिनेत्रीचं मालिकेतील वातावरणाबाबत धक्कादायक वक्तव्य, म्हणाली, “इतकं रोबोटिक…”
आकाश नलावडेने २०२२ मध्ये रुचिका धुरीसह साखरपुडा केला होता. यानंतर १८ मार्च २०२३ रोजी आकाश आणि रुचिका यांनी लग्नगाठ बांधली. त्याच्या लग्नाचे फोटो आणि व्हिडीओ सोशल मीडियावर प्रचंड व्हायरल झाले होते. आता आकाश व रुचिका दोघेही त्यांच्या बाळाच्या स्वागतासाठी तयार झाले आहेत.
