सध्या सर्वत्र अधिकमासाची क्रेझ आहे, असं म्हणणं चुकीचं ठरणार नाही. बरं या क्रेजमध्ये अभिनेत्री सुप्रिया पिळगांवकर व अभिनेते सचिन पिळगांवकरही मागे राहिलेले नाहीत. आजवर सचिन, सुप्रिया या जोडीने त्यांच्या अभिनयाने अनेक प्रेक्षकांची मन जिंकली आहेत. एकत्र या दोघांनी बरच काम सुद्धा केलं आहे. चित्रपटामध्ये काम करता करताच या दोघांची गट्टी जमली आणि या दोघांनी विवाहसोहळा उरकला. (Sachin Pilgaonkar and Supriya Pilgaonkar)
या दोघांचं वयात अंतर असलं तरी या दोघांचं बॉण्डिंग खूप चांगलं असल्याचं पाहायला मिळत. या दोघांच्या जोडीला कुटुंबाकडूनही भरपूर सपोर्ट मिळालेला पाहायला मिळाला. याचं एक उदाहरण द्यायचं म्हणजे सासुरवाडीला जाऊन सचिन यांनी जावयाचा मान मिळवला आहे. सचिन यांना सासरवाडीहून वाण देऊन त्यांचं मानपान करण्यात आल्याचा एक व्हिडीओ सुप्रिया पिळगांवकर यांनी सोशल मीडियावर शेअर केला आहे. सासरवाडीत सचिन यांचा मानपान झाला असून त्यांना अधिक मासाच खास वाण देत भेटवस्तूही मिळाली आहे.
सुप्रिया यांच्या आई वडिलांनी जावयाचा कौतुक आणि मानपान सोहळा केला आहे. सुप्रिया यांच्या आई वडिलांनी सचिन यांचं औक्षण केलं आहे. यावेळी एक खास पूजा देखील आयोजित केली होती. आणि त्यासाठी त्यांनी विशेष तयारी केलेली ही पाहायला मिळाली. सचिन यांनी त्यांच्या या अधिक मासाचे काही फोटो सोशल मीडियावरून शेअर केले आहेत. तर सुप्रिया यांनी याचे काही खास व्हिडीओ शेअर केले आहेत. त्यांच्या या फोटो अन व्हिडिओला अनेकांनी कमेंट करत लाईक्सचा वर्षाव केला आहे.
तर ६५ वर्षांच्या सासर्यांकडून जावयाचा मानपान व कौतुक केल्यामुळे अनेक चाहते भारावून गेले आहेत.