Dreams Interpretation : शांत व पुरेशी झोप म्हणजे उत्तम आरोग्याचं लक्षण. हे आपण प्रत्येकाच्या तोंडी ऐकत आलो आहोत. शरीरासाठी झोपेचं महत्त्व किती? हे वेळोवेळी धकाधकीच्या जीवनात अनुभवायला मिळतं. याचाच एक महत्त्वाचा भाग म्हणजे रात्री झोपल्यानंतर स्वप्न पडणं. आज अमुक-अमुक स्वप्न पडलं, मी दचकूनच उठलो असं आपण आपल्याच जवळच्या व्यक्तींकडून ऐकतो. स्वतःलाही याची प्रचिती येतेच. पण बरेचदा अनेक स्वप्नांचा छडा आपल्याला लागत नाही. शिवाय त्यांनतर आपल्या डोक्यात आणि मनात राहतात ती फक्त प्रश्नचिन्ह. पण याचे नेमके उत्तर शास्त्रानुसार काय आहे? हे आपण जाणून घेणार आहोत.
स्वप्नातील शुभ संकेत कोणते?
झोपल्यानंतर स्वप्न पडल्यास जेव्हा जाग येते तेव्हा आपण त्याचा विचार करत राहतो. काहीवेळा फक्त विचारांमुळे आपल्याला झोपमध्ये ते चित्र दिसलं असावं असं आपण म्हणतो. पण काही स्वप्नांद्वारे आपल्याला उद्याचे संकेत मिळतात. प्रत्येक स्वप्नाचा काही ना काहीतरी नक्कीच अर्थ असतो असंही मानलं जातं. काही वस्तू आणि रूपे शुभ फलदायी स्वप्नांमध्ये पाहता येतात. भगवान शिव, भगवान विष्णू, गौतम बुद्ध, ब्रह्मा जी, गणेश जी, लक्ष्मी जी, गौरी माता, कार्तिकेय, सूर्य, चंद्र, कल्पवृक्ष, राजा, गाय, बैल, विमान, इमारत, माला, ध्वज, रत्न, मासे, हत्ती, धूरविरहित अग्नी, दुधाचा महासागर, पूर्ण भांडे, तलाव, पर्वत, सिंह. या सर्वांचा शुभ स्वप्न संकेतात समावेश आहे.
अशुभ स्वप्नांचा नेमका अर्थ काय?
अशुभ स्वप्नांमध्ये स्मशानभूमी, भुते, पिशाच, अंधार, कोरडे पडलेले तलाव, नदी किंवा समुद्र, ग्रहांचा कोप, तारे तुटणे, उल्का पडणे, अतिउष्णता, भूकंप, काटेरी झाडे या सर्व गोष्टी दिसतात. विहीर, राख, हाड, साप, नदी-नाला, म्हैस, वानर, शतपद, संगीत, लाल दगड, नीच दुष्ट निंदित व्यक्ती, लहान माणूस, भांडण, घाणेरडा माणूस, एक लंगडा व्यक्ती, अपमानास्पद शब्द ऐकणे, पृथ्वीवर बुडणे, सूर्याचा स्फोट, संपूर्ण अंधार अशा काही गोष्टी आहेत.
स्वप्नांचा खऱ्या आयुष्यात काही परिणाम होतो का?
शास्त्रानुसार असे सांगितले आहे की, जो व्यक्ती स्वप्नात फळ खातो आणि पाहतो त्याच्या अंगणात देवी लक्ष्मी विराजमान असते. स्वप्नात स्वतःला खाटेवर झोपलेले पाहणे हे भाग्याचे लक्षण आहे. जो स्वप्नात दुसऱ्याला मारतो किंवा बांधतो किंवा टीका करतो तो या जगात श्रीमंत होतो. स्वप्नात विष प्राशन करून मरण पावलेल्या व्यक्तीला रोग आणि संकटांपासून मुक्ती मिळते आणि खूप आनंद मिळतो. जो कोणी व्यक्ती रडतो किंवा स्वप्नात स्वतःला मरताना पाहतो त्याला पूर्ण सुख प्राप्त होते. जो स्वप्नात खूप पाऊस किंवा आग पाहतो, लक्ष्मी त्याच्या नियंत्रणात असते. ज्याला स्वप्नात गाय दिसली त्याचा शत्रू नष्ट होतो. आरशात तुमचा चेहरा पाहिल्याने तुमच्या प्रियकराची भेट होते. स्वप्नात राजा, ब्राह्मण, गाय, देव, पूर्वज जे काही सांगतात, ते त्या व्यक्तीला नक्कीच मिळते.
टीप – वरील नमुद केलेल्या माहितीची ITSMAJJA पुष्टी करत नाही. तुम्ही या विषयातील तज्ज्ञांकडून याबाबत माहिती घेऊ शकता.
