rashmi desai shefali jariwala : वयाच्या अवघ्या ४२व्या वर्षी शेफाली जरीवालाच्या मृत्यूने सिनेसृष्टीला धक्का बसला. बीपी कमी झाल्याने हृदयविकाराचा झटका आला आणि अभिनेत्रीने हॉस्पिटलमध्ये पोहोचण्यापूर्वीच जगाचा निरोप घेतला. अभिनेत्रीच्या निधनाची बातमी समोर आली तेव्हा सुरुवातीला कोणालाच विश्वास बसत नव्हता. तिच्या अंतिम संस्काराला अनेक कलाकार मंडळी हजेरी होते. ‘बिग बॉस १३’ मध्ये तिच्याबरोबर दिसणारी रश्मी देसाईही अंतिम निरोप देण्यासाठी आली होती. शेफालीच्या जाण्याला चार दिवस होत नाहीत तोवर रश्मीने तिच्या इंस्टाग्राम अकाउंटवर शेअर केलेल्या फोटोंवर नेटकरी प्रचंड रागवले आहेत. अभिनेत्रीला पोस्टमध्ये आनंदात पाहताच नेटकऱ्यांनी जोरदार ट्रोल केले आहे.
रश्मी देसाई हिने तिचे काही फोटो इन्स्टाग्रामवर पोस्ट केले आहेत. यामध्ये तिने डेनिमसह पांढरा रंगाचा शर्ट घातला आहे. ती हसतमुख, बहरताना दिसत आहे आणि ग्लॅमरस पोझ देत आहे. तिचे हे फोटो पाहून ती चाहत्यांना आनंददायक असल्याचं वाटतंय, परंतु नेटकऱ्यांनी तिला तावडीत धरलं आहे. एकाने लिहिले, “मैत्रीण जाऊन चार दिवस झाले नाहीत आनंदी असल्याच्या पोस्ट करतेय”. दुसर्याने कमेंट करत म्हटलं आहे की, “तिच्या मृत्यूनंतर ती धीर धरत असेल”. आणखी एका नेटकऱ्याने म्हटले, “दोन दिवसांपूर्वी मैत्रिणीच्या मृत्यूचे दु:ख आणि आज हे सर्व फोटो? शेफाली जरीवाला विचार करेल? आपण सर्वजण ढोंग करत आहात”.
शेफालीचा मृत्यू २७ जून २०२५ रोजी रात्री झाला. तिचा नवरा पराग त्यागी तिला रुग्णालयात घेऊन गेला, परंतु तोवर तिला मृत घोषित करण्यात आले. काही अहवालात असा दावा करण्यात आला आहे की त्यांनी रिकाम्या पोटात किंवा शिळ्या अन्नावर एजिंग औषध घेतले, ज्यामुळे हृदयविकाराचा झटका आला. ती फक्त ४२ वर्षांची होती.
शेफाली जरीवाला यांनी घरी सत्यानारायण पूजेसाठी उपवास केला, ज्यात तिचे आई-वडील देखील उपस्थित होते. अधिकाऱ्यांनी सांगितले की, पराग त्यागी म्हणाले की, फ्रीजमध्ये ठेवलेले अन्न खाल्ल्यानंतर ती बेहोश झाली. शुक्रवारी रात्री मुंबईत शेफाली जरीवाला यांचे निधन झाले. ती ४२ वर्षांची होती. ‘कांटा लगा’ स्टारला तिचा नवरा पराग त्यागी आणि तीन जवळच्या लोकांनी मुंबईतील बेल्लेव्ह्यू मल्टिपेशिटी हॉस्पिटलमध्ये दाखल केले आणि तेथे तिला मृत घोषित करण्यात आले.
