बॉलिवूड अभिनेता रणबीर कपूर हा यशस्वी अभिनेत्यांपैकी एक आहे. अभिनय, व्यक्तिमत्त्व व आपल्या लूकमुळे त्याचे कोट्यावधी चाहते आहेत. मागील वर्षी प्रदर्शित झालेल्या ‘ॲनिमल’ या चित्रपटामध्ये त्याने मुख्य भूमिका साकारली होती. या चित्रपटाने कोट्यवधी रुपयांची कमाई केली असून या चित्रपटाचा दुसऱ्या भागाची प्रेक्षक आतुरतेने वाट पाहत आहेत. आता तो ‘रामायण’ या चित्रपटात रामाच्या भूमिकेत पाहायला मिळणार असल्याच्या चर्चा सर्वत्र होत आहेत. तो त्याच्या व्यावसायिक आयुष्याबरोबरच खासगी आयुष्यंमुळेही अधिक चर्चेत असतो. त्याच्या खासगी आयुष्याबद्दलचे काही किस्से सोशल मीडियावर प्रचंड प्रमाणात व्हायरल होत आहेत. त्याचा असाच गर्लफ्रेंडबद्दलचा व्हिडीओ समोर आला आहे. (Ranbir Kapoor girlfriends)
रणबीरने आलिया भट्टबरोबर २०२२ मध्ये लग्न केले. दोघांनाही राहा नावाची मुलगीदेखील आहे. आलियाआधी त्याचे नाव दीपिका पदूकोण व कतरिना कैफबरोबरही जोडले गेले आहे. त्याची एक्स गर्लफ्रेंड असलेल्या दीपिकाने एकदा त्याचा ‘दगाबाज’म्हणूनही उल्लेख केला होता. तेव्हा दीपिका व रणबीर ही जोडी चांगलीच चर्चेत आली होती.
रणबीर व दीपिका हे दोघंही त्यांच्या करिअरच्या सुरुवातीला एकमेकांना डेट करत होते. तेव्हा दीपिकाने रणबीर वर असलेल्या प्रेमाखातर मानेवर त्याच्या नावाचा टॅटू काढला होता. मिळालेल्या माहितीनुसार दीपिकाने रणबीरला रंगेहात पकडले होते. त्यानंतर दोघांमध्ये मतभेद सुरु झाले आणि ब्रेकअप झाला. नुकताच ‘कॉफी विथ करण’ या शोमधील एका व्हिडीओमध्ये त्याने गर्लफ्रेंडचे नाव फोनमध्ये सेव्ह करण्याचा एक किस्सा सांगितला आहे.
तो म्हणाला की, “मी माझ्या फोनमध्ये मुलींचं नाव ‘बॅटरी लो’ नावाने सेव्ह करत असे. त्यामुळे जेव्हा एक गर्लफ्रेंड बरोबर असताना दुसऱ्या मुलीचा फोन यायचा तेव्हा त्या मुलीचा नंबर ‘बॅटरी लो’ नावाने दिसत असे”. त्यावर करणने त्याला विचारलं की, “तुझी ही पद्धत दुसरी कोणी वापरली आहे का?”, त्यावर रणबीरने उत्तर दिलं , “हो,माझ्या काही मित्रांनी ही पद्धत वापरली आहे”, त्यावर करण व रणबीर खूप हसले होते.
रणबीरने ‘सावरिया’ चित्रपटामधून बॉलिवूडमधून पदार्पण केले. त्यानंतर त्याने अनेक चित्रपटांमध्ये विविध भूमिका केल्या.
