गेल्या काही दिवसांपासून राखी सावंत व तिचा पूर्वाश्रमीचा पती आदिल खान या दोघांच्या अनेक चर्चा पाहायला मिळत आहेत. आदिल खानने नुकतेच ३ मार्च रोजी ‘बिग बॉस’ फेम सोमी खानबरोबर गुपचूप लग्न केले, त्यानंतर या जोडप्याने त्यांच्या सोशल मीडिया हँडलवर त्यांच्या लग्नाके काही फोटो शेअर करत साऱ्यांनाच धक्का दिला. त्याच्या या लग्नाने राखीलाही धक्का बसला. आदिल खानच्या दुसऱ्या लग्नाचे वृत्त कळले तेव्हा ती राखी दुबईत होती.
आदिलच्या सोमीबरोबरच्या लग्नावर राखीने तिची प्रतिक्रिया देताना आदिलचे माझ्याशी लग्न होण्याआधीही ५-६ लग्न झाले होते. माझ्याबरोबर जसा अत्याचार केला तसंच तो सोमीबरोबरही करणार आहे. त्यामुळे तिला कोणीतरी वाचवा असे अनेक आरोप केले होते. तसेच आदिलने घटस्फोट घेतला नसल्याचेही तिने सांगितले होते. यावर आदिलनेही राखीला कोरोना विषाणू म्हणत तिने दुबईतच राहावे. इथे भारतात, मुंबईत येऊ नये. तिच्यामुळे इथे सगळे सुरक्षित आहेत असं म्हटलं होतं.
आता यावर राखीने पुन्हा आदिलला प्रत्युत्तर दिलं आहे. राखीचा एक व्हिडिओ चर्चेत आहे, ज्यामध्ये तिने आदिलवर राग व्यक्त केला आहे. हा व्हिडीओ शेअर करत तिने असं म्हटलं आहे की, “पहिल्या पत्नीला घटस्फोट न देता तू दुसरे लग्न केले. तू मीडियात घाण पसरवत आहेस. तू खूप प्रसिद्ध आहेस असे तुला वाटते का? किती दिवस राखी सावंतच्या नावाचा वापर करणार? माझ्यामुळे तुझ्या नावाच्या बातम्या होतात आणि त्यामुळेच तू चर्चेत राहतोस. थांब, मी लवकरच भारतात येत आहे.”
दरम्यान, आदिलने राखीविरुद्ध केलेल्या तक्रारीमुळे ती दुबईत राहत असल्याचे म्हटले जात आहे. याबद्दल “मी दाखल केलेल्या तक्रारीमुळे तिला जामीन मिळत नाही आहे. ती ४-५ महिन्यांपासून पळून जात आहे. त्यामुळे ती सध्या दुबईत आहे. कारण ती इथे येताच तिला अटक करण्यात येईल” असा आरोप आदिलने केला आहे.
