ड्रामा क्वीन राखी सावंत नेहमीच कोणत्या ना कोणत्या गोष्टीमुळे चर्चेत असते. विशेषतः सोशल मीडियावर राखी नेहमीच चर्चेत असलेली पाहायला मिळते. अनेक व्हायरल झालेल्या व्हिडिओमध्ये राखी काही ना काही हटके करताना दिसते. काही दिवसांपासून राखी तिचा पूर्वाश्रमीचा पती रितेश बरोबर फिरताना दिसत आहे. रितेश बरोबर पुन्हा पॅचअप केल्याचं अनेकांचं म्हणणं आहे. तर मध्यंतरी राखी तिच्या व आदिल खान दुराणीच्या भांडणामुळे चर्चेत आलेली पाहायला मिळाली होती. (Rakhi Savant Weird Behaviour)
आता राखी पुन्हा एकदा रितेश बरोबरच्या नात्यामुळे चर्चेत असल्याच दिसत आहे. अशातच राखीचा सोशल मीडियावरील एका व्हिडीओने साऱ्यांचंच लक्ष वेधून घेतलं आहे. ‘इन्स्टंट बॉलिवूड’ या पेजवरून राखीचा एक व्हिडीओ सोशल मीडियावर तुफान वायरल होताना पाहायला मिळत आहे. या व्हिडीओमध्ये राखी नववधूसारखी तयार झालेली पाहायला मिळत आहे. सदर व्हिडीओमध्ये राखी नववधूसारखा ड्रेस परिधान करत ती रितेशसह डेटवर गेली असल्याचे पाहायला मिळत आहे.
आणखी वाचा – अभिनेते, दिग्दर्शक क्षितिज झारापकर यांचे निधन, ५४व्या वर्षी कर्करोगाशी झुंज ठरली अपयशी
डेटवरून आल्यानंतर ती गाडीत बसायला जात असतानाच काही चाहते मंडळी तिच्याभोवती फोटोसाठी जमा होतात. त्या वेळेला राखीचा पारा चढतो आणि राखी चाहतीच्या हाताला धरून तिला ढकलताना दिसत आहे. त्यावर ती महिला ठीक आहे, ठीक आहे पण तुम्ही असं करू नका असं म्हणते. त्यावर मागे फिरलेली राखी, मग तुम्हीही असं करू नका असं म्हणते. त्यानंतर काही पापराजी राखीचे फोटो क्लिक करताना दिसतात, ही गोष्ट राखीच्या लक्षात येताच राखी त्या चाहतीचा हात सोडते आणि पुन्हा एकदा तिला फोटो काढायला जवळ बोलावते. ती चाहतीही राखीबरोबर फोटो काढायला पुन्हा पुढे येते आणि राखीबरोबर सेल्फी घेताना दिसते. हा व्हिडीओ पाहून नेटकरी राखीवर भडकलेले पाहायला मिळत आहेत.
राखीबरोबरचं नेटकरी त्या चाहतीलाही सुनावताना दिसत आहेत. आधी तिचा हात का धरला आणि तिला का ढकललं आणि नंतर तिच्याबरोबर फोटो घ्यायला लावला हे सगळं पाहून राखीवर नेटकरी नाराज असलेले पाहायला मिळत आहेत.
