‘झी मराठी’ वाहिनीवरील ‘पारू’ या मालिकेला प्रेक्षक भरभरून प्रतिसाद देताना दिसत आहेत. या मालिकेच्या कथानकाने अल्पावधीतच प्रेक्षकांची मन जिंकली. पारूचा मालिकेतील संघर्षमय असा प्रवास प्रेक्षकांच्या विशेष पसंतीस पडत आहे. तर पारू या भूमिकेतील अभिनेत्री शरयू सोनावणेवर ही प्रेक्षक भरभरून प्रेम करताना दिसत आहेत. शरयूने अगदी हुबेहूब अशी पारूची भूमिका साकारत प्रेक्षकांची मन जिंकली आहेत. याआधी शरयूने अनेक मालिकांमधून प्रेक्षकांच्या मनावर राज्य केलं. (Sharayu Sonavane Wedding Moment)
‘पिंकीचा विजय असो’ मालिकेतील पिंकी या पात्रामुळे शरयू घराघरात पोहोचली. मात्र सध्या शरयू पारू या भूमिकेमुळे चर्चेत असलेली पाहायला मिळत आहे. अशातच शरयू आणखी एका गोष्टीमुळे सध्या चर्चेत आहे. सोशल मीडिया अकाउंटवरुन शेअर केलेल्या पोस्टमुळे सध्या ती चर्चेत आली आहे. ही पोस्ट शरयूने तिच्या वैयक्तिक आयुष्याविषयी शेअर केली आहे. लग्नाला एक वर्ष पूर्ण होताच पारुने तिचं लग्न जाहीर केले आहे. काही वर्षांपूर्वी पारूने निर्माता जयंत लादेसह साखरपुडा समारंभ उरकत त्याचे काही फोटो सोशल मीडियावरून शेअर केले होते. मात्र त्यानंतर त्यांनी केव्हा लग्न केलं हे कळलच नाही. थेट लग्नाच्या पहिल्या वाढदिवशी लग्नसमारंभातील काही खास क्षण शेअर करत तिने चाहत्यांसह आनंदाची बातमी शेअर केली.
आणखी वाचा – अभिनेते, दिग्दर्शक क्षितिज झारापकर यांचे निधन, ५४व्या वर्षी कर्करोगाशी झुंज ठरली अपयशी
शरयू व जयंतच्या लग्नाचे फोटो पाहून चाहते ही खूप खुश असल्याच पाहायला मिळाले. तिच्या या पोस्टवर चाहत्यांनी भरभरून कमेंट्सही केलेल्या पाहायला मिळाल्या. अशातच शरयूच्या आईने शेअर केलेल्या एका व्हिडीओने साऱ्यांच लक्ष वेधून घेतले आहे. या व्हिडीओमध्ये शरयू सासरी जाताना तिच्या आईचा, भावाचा आजीचा निरोप घेताना दिसत आहे. मात्र निरोप घेताना शरयू खूपच आनंदी असल्याचं पाहायला मिळत आहे. न रडणारी नवरी असं कॅप्शन देत हा व्हिडीओ सध्या सोशल मीडियावर व्हायरल होत आहे. शरयू लग्नासाठी खूपच आनंदी असल्याच पाहायला मिळालं. शरयूच्या लग्न सोहळ्यातील फोटो समोर येताच तिच्या लग्नातील शाही लूकची विशेष चर्चा रंगलेली पाहायला मिळाली.
विधीसाठी खास लाल रंगाची पैठणी साडीची नऊवारी तिने नेसली होती. तर रिसेप्शन लूकसाठी शरयूने पांढऱ्या रंगाची डिझाइनर साडी परिधान केली होती. यावेळी अभिनेत्री आलिया भटच्या लग्नातील तिच्या लूक सारखाच लूक केला असल्याचं नेटकऱ्यांचं म्हणणं होतं. शरयू व जयंतच्या या लग्नाच्या फोटोंवर शुभेच्छांचा वर्षाव होताना पाहायला मिळत आहे.
