‘तुझ्यात जीव रंगला’ या मालिकेमुळे अभिनेता राज हंचनाळे घराघरांत लोकप्रिय झाला. सध्या ‘स्टार प्रवाह’ वाहिनीवरील ‘प्रेमाची गोष्ट’ या मालिकेतून तो प्रेक्षकांचं मनोरंजन करत आहे. ‘प्रेमाची गोष्ट’ या मालिकेमध्ये राज सईच्या बाबांची म्हणजेच सागर ही व्यक्तिरेखा साकारत आहे. राजच्या या नव्या भूमिकेची सध्या प्रचंड चर्चा सुरु असलेली आहे. याशिवाय अभिनेता सोशल मीडियावर प्रचंड सक्रिय असतो. (Raj Hanchanale Wife)
‘प्रेमाची गोष्ट’ या मालिकेत सागर व मुक्ता यांच्यात प्रेम बहरताना दिसत आहे. सईची आई म्हणून मुक्ताने सागर शी लग्न केलं आहे. दरम्यान मुक्ता व सागर दोघेही एकमेकांच्या प्रेमात पडलेले दिसत आहेत. दोघेही एकमेकांची काळजी घेताना दिसत आहेत. दोघांमध्ये फुलणार हे प्रेम रसिक प्रेक्षकांच्या पसंतीस पडत आहे. खऱ्या आयुष्यातही सागर म्हणजेच राजच लग्न झालं असून त्याची पत्नीही खूपच सुंदर आहे. दोघेही सोशल मीडियावर बऱ्यापैकी सक्रिय असतात.
अभिनेता राज हंचनाळेने खऱ्या आयुष्यात मनीषा ऊर्फ मॉली डेस्वाल हिच्याशी २०१९ मध्ये लग्न केलं. दोघंही २०१३ पासून एकमेकांना डेट करत होते. दोघांचे रोमँटिक फोटो तो नेहमीच शेअर करत असतो. राज आणि मोली दोघेही सध्या त्यांच्या कामात बिझी असले तरी एकमेकांना वेळ देत खास फोटो शेअर करताना दिसतात. राजची पत्नी मोली ही पेशाने चित्रकार आहे. ती तिच्या सोशल मीडिया अकाउंटवरुन तिच्या हटके पेंटीग्स शेअर करताना दिसते.
सोशल मीडियावर राज व त्याची बायको नेहमीच सक्रिय असतात. राजने ‘तुझ्यात जीव रंगला’ या मालिकेतून प्रेक्षकांच्या मनात घर केलं. त्यानंतर तो ‘जीवाची होतीया काहूली’ या मालिकेतही महत्त्वपूर्ण भूमिकेत दिसला. यानंतर आता राजची ‘प्रेमाची गोष्ट’ या मालिकेतील भूमिका साऱ्यांच्या पसंतीस पडत आहे. राजच्या सागर या पात्रावर प्रेक्षक भरभरुन प्रेम करताना दिसत आहेत.