भारतीय क्रिकेट संघात धडाकेबाज खेळाडू म्हणून महेंद्रसिंह धोनीचा नावलौकिक आजही कायम आहे. धोनीने २००८ ला आयपीएलमध्ये पदार्पण करत आतापर्यंत एकूण २५९ सामने खेळले आहेत. ४२ वर्षीय धोनी सर्वात यशस्वी असा कर्णधार आहे, ज्याने आयपीएलमध्ये ५ वेळा संघाला विजेतेपद मिळवून दिले आहे. त्यामुळे धोनीची लोकप्रियता आजही कायम आहे. त्याच्या खेळाचे आजवर अनेकांकडून कौतुक होत आहे. त्यामुळे धोनीची लोकप्रियता ही केवळ चाहत्यांमध्येच नाही तर आयपीएल संघ मालकांमध्येही आहे.
अशातच बॉलिवूड अभिनेत्री प्रीती झिंटानेही धोनीला आपल्या संघात घेण्याची इच्छा व्यक्त केली आहे. अभिनेत्री प्रीती झिंटा ही बऱ्याच काळापासून मनोरंजन क्षेत्रापासून असली तरी ती तिच्या आयपीएल टीम पंजाब किंग्समुळे चर्चेत असते. अलीकडेच धोनीला तिच्या संघात घेण्याची इच्छा व्यक्त केली. प्रीतीने सोशल मीडियावर प्रश्नोत्तरांचा सेगमेन्ट घेतला होता. यावेळी एका चाहत्याने “मला धोनीला पंजाब किंग्ज या टीममध्ये पाहायचे आहे” असा प्रश्न विचारला.
Everyone wants him and everyone is his fan including me. Yesterday was bittersweet. I wanted us to win and him to hit some big sixes but we lost and he got out. The only bright spot was our bowlers did so well in restricting them but eventually it was not enough. https://t.co/24QcqGE93i
— Preity G Zinta (@realpreityzinta) May 6, 2024
चाहत्याच्या प्रश्नाचे उत्तर देत प्रीती असं म्हणाली की, “’प्रत्येकजण त्याच्यावर प्रेम करतो आणि प्रत्येकजण त्याचा चाहता आहे आणि त्याच्या अनेक चाहत्यांमध्ये माझाही समावेश आहे. कालच्या सामान्यामुळे माझे मन थोडे वाईट होते. आम्ही जिंकावे अशी माझी इच्छा होती आणि त्याने काही मोठे षटकार मारले. पण आम्ही हरलो आणि तो बाद झाला. एकच चांगली गोष्ट म्हणजे आमच्या गोलंदाजांनी त्यांना रोखण्यात चांगली कामगिरी केली पण ते पुरेसे नव्हते”.
दरम्यान, अभिनेत्री प्रीती झिंटा ही लवकरच ‘लाहोर १९४७’ या चित्रपटात दिसणार आहे. प्रीती झिंटा ही बॉलिवूडची आघाडीची अभिनेत्री आहे, पण तिने स्वत:ला बऱ्याच काळापासून अभिनयाच्या क्षेत्रापासून दूर ठेवले आहे. तिने बॉबी देओलबरोबर ‘सोल्जर’, सनी देओलबरोबर ‘फर्ज’, शाहरुख खानबरोबर ‘वीर-जरा’, सलमान खानबरोबर ‘चोरी-चोरी चुपके-चुपके’, आमिर खानबरोबर ‘दिल चाहता है’ आणि हृतिक रोशनबरोबर ‘कोई मिल गया’ असे अनेक हिट चित्रपट दिले आहेत.
