‘महाराष्ट्राची हास्यजत्रा’ या लोकप्रिय कार्यक्रमांने आजवर प्रेक्षकांना अक्षरशः वेड करुन सोडलं आहे. या कार्यक्रमाचे लाखो दिवाने चाहते आहेत. केवळ महाराष्ट्रातच नव्हे तर देशभरात जगभरात या कार्यक्रमाची क्रेझ असलेली पाहायला मिळते. या कार्यक्रमातून प्रसिद्धीस आलेल्या सर्वच कलाकारांचा खूप मोठा चाहतावर्ग आहे. अशातच या कार्यक्रमातील अभिनेता प्रसाद खांडेकर यांने आजवर त्याच्या विनोदी अंगशैलीने प्रेक्षकांची मनं जिंकली. प्रसाद नेहमीच त्याच्या अभिनयाबरोबरच लेखनातूनही व दिग्दर्शनातूनही प्रेक्षकांच्या मनावर राज्य केले. (Prasad Khandekar Birthday Party)
अशातच प्रसादचा नुकताच वाढदिवस झाला. यावेळी हास्यजत्रेतील सर्वच कलाकार मंडळींनी त्याला हटके शुभेच्छा दिलेल्या पाहायला मिळाल्या. दरम्यान प्रसादने हास्यजत्रेतील मंडळींना वाढदिवसाची पार्टी म्हणून पाणीपुरीचा बेत ठेवलेला पाहायला मिळाला. कलाकारांनी सोशल मीडियावरुन पाणीपुरी एन्जॉय करतानाचे अनेक व्हिडीओ शेअर केले आहेत. सेटवर असल्याने पाणीपुरी खाता येईल अशी व्यवस्था केली होती. दरम्यान सगळीच कलाकार मंडळी अगदी गोंधळ घालत या प्रसाद दादाच्या पार्टीचा आनंद घेताना दिसली.
“दादाच्या पार्टीचा बर्थडे आहे”, असं कॅप्शन देत पृथ्वीक प्रतापने प्रसादला हटके शुभेच्छा देत एक व्हिडीओ शेअर केला आहे. या व्हिडीओमध्ये ओंकार राऊत, शिवाली परब, प्रसाद खांडेकर, वनिता खरात, इशा डे, रसिका वेंगुर्लेकर, निखिल बने, विराज जगताप, निखिल बने, प्रियदर्शिनी इंदलकर, निखिल बने, चेतना भट ही कलाकार मंडळी प्रसादच्या वाढदिवसाच्या पार्टीत एन्जॉय करताना दिसली. एकूणच सगळी मंडळी या पाणीपुरीवर तुटून पडलेली दिसली.
प्रसादला सिनेसृष्टीतून अनेक कलाकार मंडळींनी शुभेच्छा दिलेल्या पाहायला मिळाल्या. “पश्याला वाढदिवसाच्या हार्दिक शुभेच्छा. वेडेपणाचा भार. हसत हसत जगात आनंद पसरव. (चला एक पोस्ट एक रील, एक कथा, पुरे झालं.आता भेटवस्तू मागू नको), असं म्हणत नम्रताने प्रसादला हटके शुभेच्छा दिल्या आहेत. याशिवाय अनेकांनी गमतीशीर कॅप्शन देत प्रसादला शुभेच्छा दिलेल्या पाहायला मिळत आहेत.
