Piyush Ranade and Suruchi Adarkar Wedding : सिनेसृष्टीत असे बरेच कलाकार आहेत ज्यांची लग्न विशेष चर्चेत राहिली. इतकंच नव्हे तर कलाकार मंडळींच्या पत्नीच्या मंगळसूत्राने अधिक लक्ष वेधून घेतलं. कलाकारांच्या गळ्यातील मंगळसूत्र हे प्रेक्षकांसाठी अधिक खास असतं. कारण प्रेक्षक या हटके मंगळसूत्राच्या डिझाइन्स फॉलो करताना दिसतात. आजवर ऋता दुर्गुळे, अभिज्ञा भावे, मिताली मयेकर, शिवानी रांगोळे या अभिनेत्रींच्या मंगळसूत्राची विशेष चर्चा रंगली.
अशातच एक मराठमोळी कलाकार जोडी नुकतीच विवाहबंधनात अडकली आहे. मराठीतील सुप्रसिद्ध अभिनेत्रीने गुपचूप लग्न करत चाहत्यांना सुखद धक्का दिला आहे. अभिनेत्री सुरुची अडारकर विवाहबंधनात अडकली आहे. अभिनेता पियुष रानडेसह तिने लग्न करत सगळ्यांनाच आश्चर्याचा धक्का दिला. त्यांच्या लग्नाचे फोटो सध्या सोशल मीडियावर व्हायरल होत आहेत.
आणखी वाचा – लग्नबंधनात अडकली सुप्रसिद्ध मराठी अभिनेत्री सुरुची अडारकर, शाही विवाहसोहळ्याचे फोटो समोर
सुरुची व पियुष यांचा शाही विवाहसोहळा संपन्न झाला असल्याचं समोर आलं आहे. अगदी पारंपरिक अंदाजात त्यांनी हा विवाहसोहळा उरकला आहे. लग्नासाठी सुरुची व पियुष यांचा खास लूक पाहणं रंजक ठरतंय. सुरुचीने पिवळ्या रंगाची साडी परिधान केली आहे. तसेच तिच्या दागिन्यांनीही विशेष लक्ष वेधून घेतलं आहे. तर पियुषने सुरुचीच्या लूकला साजेसा पोशाख परिधान केला आहे. अशातच नव्या नवरीच्या मंगळसूत्राने साऱ्यांचं लक्ष वेधून घेतलं आहे.
सुरुची व पियुषचा लग्नातील फोटो समोर आला आहे. या सुंदर फोटोमध्ये पियुष तिला मंगळसूत्र घालताना दिसत आहे. सुरुचीच्या मंगळसूत्रात मोजके काळे मणी आणि दोन वाट्याचे पेंडेंट आहे. काळ्या मणीमध्ये सोन्याचे असलेले मणी व छान पेन्डंट असलेल्या या मंगळसूत्रावरून नजर हटत नाही आहे. सुरुचीने फोटो शेअर करताच चाहत्यांसह कलाकार मंडळींनी त्यांच्यावर शुभेच्छांचा वर्षाव केला आहे.