कलाकार मंडळी हे शूटिंगनिमित्त बरेचदा घरापासून दूर असतात. कामानिमित्त त्यांना घरापासून दूर राहून शूटिंग करावं लागत. त्यामुळे साहजिकच त्यांना त्यांच्या जवळच्या माणसाची आठवण ही येतच असणार. त्यामुळे कधीकधी काही कलाकार आपल्या माणसांच्यात व्याकुळ होताना दिसतात. असाच एक अभिनेता त्याच्या बायकोच्या आठवणीत व्याकुळ झाला आहे आणि हा अभिनेता म्हणजे प्रसाद जवादे.
प्रसाद हा सध्या त्याच्या ‘पारू’ या मालिकेच्या शुटिंगनिमित्त साताऱ्यात वास्तव्यास आहे आणि तिथे त्याला त्याच्या पत्नीची म्हणजेच अमृता देशमुखची आठवण येत आहे. अमृताच्या आठवणीबद्दल त्याने अनेक मुलाखतींमधून सांगितले आहे. अशातच आता प्रसादने अमृताच्या आठवणीत सोशल मीडियावर एक खास व्हिडीओ शेअर केला आहे. ‘लापता लेडीज’मधील ‘ओ सजणी’ हे गाणं या गाण्याद्वारे त्याने अमृताची आठवण येत असल्याचे म्हटले आहे. “हे गाणे सध्या माझ्या आयुष्याशी संलग्न होत आहे” असं म्हणत त्याने हा व्हिडीओ शेअर केला आहे. त्याच्या या व्हिडीओवर अमृताने ही कमेंट करत त्याला लापता लेडीजच्या ‘फूल’ची उपमा दिली आहे.
‘बिग बॉस’मुळे प्रसाद-अमृता ही जोडी प्रेक्षकांमध्ये प्रचंड लोकप्रिय झाली होती. गेल्या वर्षी जुलै महिन्यात दोघांनी गुपचूप साखरपुडा उरकत सर्वांना आश्चर्याचा धक्का दिला होता. तेव्हापासून चाहते अमृता-प्रसादच्या लग्नाची आतुरतेने वाट पाहत होते. अशातच त्यांनी नोव्हेंबरमध्ये एकमेकांबरोबर विवाहगाठ बांधली. लग्नानंतर दोघांनी त्यांच्या आयुष्यातएल काही खास क्षण त्यांच्या चाहत्यांबरोबर शेअर केले आहेत. त्यांच्या या खास क्षणांना त्यांचे चाहतेही भरभरून प्रतिसाद देत असतात.
आणखी वाचा – सायली-अर्जुनमध्ये नवं कॉन्ट्रॅक्ट?, प्रपोजही करणार, बहरणार प्रेमाचं नातं अन्…; मालिकेत मोठा ट्विस्ट
दरम्यान, अमृता तिच्या नाटकाच्या दौऱ्यानिमित्त मुंबई, पुणेसह अवघ्या महाराष्ट्रभरात फिरत असते, तर प्रसाद त्याच्या ‘पारू’ मालिकेच्या शूटिंगनिमित्त साताऱ्यात असतो. हे दोघे त्यांच्या व्यस्त कामातून वेळ काढत एकमेकांना भेटत असतात. त्यांच्या या भेटीचे काही खास क्षणही ते शेअर करत असतात. अशातच प्रसादने शेअर केलेला हा व्हिडीओ सर्वांचे लक्ष वेधून घेत आहे.
