‘झी मराठी’ वाहिनीवरील सगळ्याच मालिका प्रेक्षकांचं भरभरुन मनोरंजन करत आहेत. बऱ्याच दिवसांपासून सुरु झालेल्या ‘अप्पी आमची कलेक्टर’ या मालिकेलाही प्रेक्षकांचा उदंड प्रतिसाद मिळताना पाहायला मिळाला. मात्र कालांतराने या मालिकेकडे प्रेक्षकांनी पाठ फिरवलेली पाहायला मिळाली. त्यानंतर मालिकेत सात वर्षांचा लीप घेण्यात आला, त्यामुळे ही मालिका बदलत्या कथानकामुळे प्रेक्षकांच्या पसंतीस पडताना दिसत आहे. आज या मालिकेला प्रेक्षक भरभरुन प्रतिसाद देताना पाहायला मिळत आहेत. मालिकेत सात वर्षांच्या लीपनंतर अप्पी, अर्जुन आणि अमोलचा बदलता प्रवास पाहायला मिळत आहे. (Appi Amachi Collector Promo)
मालिकेत आता अमोलचा वाढदिवस पाहायला मिळणार आहे. बाबांकडून मोठं गिफ्ट मिळणार असं अप्पी अमोलला सांगते. आणि ती अर्जुनला याबाबत सांगायला जाते. मात्र अर्जुन तिला काही भेटत नाही तर अर्जुनची वाहिनी अप्पीचा अपमान करुन तिला परतवून लावते. त्यांनतर वाढदिवसादिवशी अप्पी अर्जुनला त्याच्या बाबांची गोष्ट सांगायचं ठरवते.
नव्या प्रोमोमध्ये असं पाहायला मिळत आहे की, अप्पी अमोलला त्याच्या बाबांची गोष्ट सांगत असते. यावेळी अप्पीला अश्रूही अनावर होतात. अमोलच्या वाढदिवसानिमित्त अप्पी त्याला त्याच्या बाबांची गोष्ट सांगायचा निर्णय घेते. मागील सात वर्षात अमोलला अप्पीने त्याच्या बाबांबद्दल काहीही सांगितलेलं नसतं, त्यामुळे अमोलच्या वाढदिवसानिमित्त अप्पी त्याला अर्जुनबद्दल सांगते. आता वाढिदवसाला तरी अर्जुन व अमोलची भेट होणार का हे मालिकेत पाहायला रंजक ठरणार आहे.
प्रोमोमध्ये असं पाहायला मिळत आहे की, अप्पी अमोलला बोलते की, “आज मी तुला तुझ्या बाबांची म्हणजेच शेहेनशहाची गोष्ट सांगणार आहे. शेहेनशहा आणि मी कायम एकत्र होतो”, यावर अमोल विचारतो, “आता का नाहीत माँ?”. त्यानंतर अप्पीला भरुन येतं. अप्पी अर्जुन बोलतोय असं भासवत अमोलला म्हणते की, “तुम्ही जेव्हा माँच्या पोटात होता ना तेव्हा मी खूप गप्पा मारायचो”, यावर अमोल विचारतो, “तुम्ही काय बोलायचात”, यावर अप्पी पुढे म्हणते, “माझं तुझ्यावर खूप खूप प्रेम आहे”. यावर अमोलही म्हणतो, “माझं बाबांवर खूप खूप प्रेम आहे”, असं म्हणत तो अप्पीला घट्ट मिठी मारतो. त्यावेळी अप्पी रडताना दिसते.
