‘पारू’ मालिकेत असं पाहायला मिळणार आहे की, पारू आता बरी होऊन पुन्हा कामावर परतलेली असते. किर्लोस्कर मेंशनमध्ये ती पुन्हा कामाला येते तेव्हा गणी पारुची चांगलीच शाळा घेतो. तू आताच हॉस्पिटलमधून आली आहेस आणि तू लगेच कामाला पण सुरुवात केली असं म्हणत तो पारूची शाळा घेतो आणि पारूकडे चहा मागतो मात्र पारू म्हणते की, मी तुला आता चहा देणार नाही आदित्य सरांना मला कॉफी नेऊन द्यायची आहे. तेव्हा गणी रागावतो आणि म्हणतो की आदित्य सरांना कॉफी द्यायला तुझ्याकडे वेळ आहे आणि मला चहा द्यायला सांगितली तर तुला जमणार नाही. (Paaru Serial Update)
त्यावर पारू गणीला समजावते की, आदित्य सर आपले मालक आहे आणि ते मोठे आहेत त्यांच मला ऐकावंच लागेल. त्यानंतर पारू आदित्यला कॉफी घेऊन जाते तेव्हा पारूच्या कॉफीचं आदित्य भरभरून कौतुक करतो. पारू व आदित्य एकमेकांशी बोलत असतात तेव्हा दामिनी त्यांच्याकडे निरखून पाहत असते आणि दामिनीच्या मनात पारू व आदित्यबद्दल संशय येतो दामिनी हा संशय तिच्या नवऱ्याकडे व्यक्तही करते मात्र तिचा नवरा तिला मुर्खात काढत म्हणतो की, पारू आदित्य यांच्यामध्ये असं काहीच नाही. आणि आदित्यसाठी मुलगी वहिनी शोधणार आहेत. त्याच्यामुळे तू नको ते संशय काढू नकोस आणि तू, दिशा मिळून पारूच्या मागे हात लागून असतात ते माझ्या लक्षात आलं आहे. तुमच्यावर चांगलंच लक्ष आहे, असं म्हणून तो तिला सक्त ताकीद देतो आणि तिथून निघून जातो.
तर इकडे आदित्य अहिल्यादेवी बोलत असतात, तेव्हा आदित्यच्या वडिलांना पारू येऊन ओरडत असते की, तुम्ही गोळ्या घेणं विसरला आहात?, तुम्ही स्वतःकडे दुर्लक्ष करताय, तुम्ही असं कसं विसरू शकता मात्र पारूला माहिती नसतं की, पाठीमागे अहिल्यादेवी व आदित्य उभे आहेत. आदित्य आवाज देतो तेव्हा त्यांना पाहून पारू दचकते आणि घाबरून तिथून निघून जाते. तर इकडे किचनमध्ये आल्यावर पारू हे सगळं सावित्रीला सांगत असते. तेव्हा तिथे दामिनी येते. दामिनी पारूचं बोलणं ऐकून तिला खूप सुनावते. आणि पारूला म्हणते की, तू आजवर या घरात येऊन इतक्या चुका केल्यास तरी तुला अहिल्या वहिनी का पाठीशी घालताहेत तेच मला कळत नाही. आताच्या आता कॉन्फरन्समध्ये चहा घेऊन स्वतः यायचं अशी ऑर्डर सोडून ती तिथून निघून जाते.
तर एकीकडे काजळाच्या लोगोसाठी आदित्य काही डोळे शॉर्टलिस्ट करणार असतो. तेव्हा दिशा सुद्धा येऊन स्वतःचे काही फोटोज देऊन जाते आणि सांगते की, माझे डोळे सुंदर आहेत असे इतर लोक सांगतात त्यामुळे माझे डोळे सिलेक्ट होतील. आता काजळाच्या लोगोसाठी कोणाचे डोळे सिलेक्ट केले जाणार हे पाहणं मालिकेच्या येणाऱ्या भागात रंजक ठरेल.
