Paaru Serial Update : ‘झी मराठी’ वाहिनीवरील लोकप्रिय मालिका ‘पारू’ ही सध्या प्रेक्षकांच्या मनावर अधिराज्य गाजवत आहे. पारू आणि आदित्यच्या नात्याला मान्यता मिळावी म्हणून गेले कित्येक महिने प्रेक्षक वाट पाहताना दिसले. खोट्या लग्नाच्या आठवणी, पारूचं निस्वार्थ प्रेम, आदित्यच्या मनात अपराधीपणाची जाणीव निर्माण करताना दिसली. या गोंधळात पुन्हा एकदा पारूशी खरंखुरं लग्न करण्याचा निर्णय आदित्य घेतो असं नुकतंच या मालिकेत दाखवण्यात आलं. अशातच ‘झी मराठी’ वाहिनेने सोशल मीडियावर नुकताच एक व्हिडीओ शेअर केला आहे. ज्यात अहिल्या आणि दिशा पारूबद्दल बोलताना दिसत आहेत. आदित्य आणि पारू यांचं नातं अहिल्यादेवी स्वीकारणार का याकडे साऱ्यांचं लक्ष लागून राहिलेलं आहे.
अहिल्यादेवी पारूचा सून म्हणून स्वीकार करणार का?, आदित्य-पारूच्या नात्याचं सत्य समोर येताच त्या काय बोलणार याकडे प्रेक्षकांच्या नजरा लागून राहिल्या आहेत. अशातच समोर आलेल्या एका प्रोमोने साऱ्यांचं लक्ष वेधलं आहे. या प्रोमोमध्ये अहिल्या आणि दिशा यांचं संभाषण पाहायला मिळत असून अहिल्या पारूला सून म्हणून नक्कीच स्वीकारेल, असं ती म्हणताना दिसत आहे. कारण पारू ही आदित्यचं सुरक्षा कवच असते असं गुरुजींनी अहिल्याला सांगितलेलं असतं.
आणखी वाचा – ‘पंचायत’च्या जावयाला हॉस्पिटलमधून डिस्चार्ज, हार्ट अटॅक आलाच नव्हता; स्वतःच केला खुलासा, म्हणाला…
पारूचे अहिल्या आणि तिच्या कुटुंबावर खूप उपकार आहेत, असंही ती दिशाला सांगते. त्यामुळे पारू ही किर्लोस्करांची सून होण्यासाठी अगदी योग्य आहे असं ही अहिल्या म्हणते. तेवढ्यात दिशा पारूला भिकारडी पारू असं म्हणते आणि हे ऐकताच अहिल्या दिशाच्या सणसणीत कानाखाली लगावते. तर आता अहिल्याने अखेर पारूला सून म्हणून स्वीकारलं आहे हे समजल्यावर या व्हिडीओवर नेटकऱ्यांनी अनेक चांगल्या प्रतिक्रिया दिल्या आहेत. तर काहींनी हे दिशाचं स्वप्न असल्याचं म्हटलंय.
“आज थोडं बरं वाटलं मनाला नाही तर मनामध्ये एकच विचार यायचा अहिल्यादेवी पारूला सून म्हणुन स्वीकारेल का?”, “फक्त आता हे स्वप्न नको दिशाचं”, “योग्य आहे निर्णय”, “एकच नंबर”, अशा कंमेंट्स करत काही प्रेक्षकांनी आनंद व्यक्त केला आहे. तर काहींनी हे दिशाचं स्वप्न आहे अशी कंमेंट केली आहे. तर आता खरंच अहिल्यादेवी पारूला सून म्हणून स्वीकारेल का?, हे येणाऱ्या भागात पाहणं रंजक ठरेल.
