Paaru Marathi Serial Update : ‘पारू’ या मालिकेत असं पाहायला मिळत आहे की, एकीकडे अहिल्यादेवींनी सगळ्या त्यांच्या खास पाहुण्यांचा उत्तम पाहुणचार केलेला असतो. तर इकडे प्रीतम व आदित्य प्रियाशी बोलत असतात. तितक्यात अहिल्यादेवी तिथे येतात. अहिल्यादेवींना आदित्य सांगतो की, मला सुद्धा थोडं कामात लक्ष घालू दे आणि शाळेचा जो तुझा ड्रीम प्रोजेक्ट आहे त्यावर मला असं वाटतंय की प्रीतमनेच काम कराव. यावर प्रीतम नकार देतो मात्र आदित्य सांगतो हा माझा आदेश आहे, असं म्हणत प्रिया आणि तू दोघांनी मिळून या कामावर लक्ष द्या असं तो सांगतो आणि साईड बघायला जायला सांगतात. यावर अहिल्यादेवी ही आदित्यच्या म्हणण्यात मान डोलावतात.
तर इकडे अहिल्यादेवी सगळ्यांची नाश्त्यासाठी वाट पाहत असतात. तितक्यात प्रीतमला प्रियाचा फोन येतो म्हणून तो निघून जातो. प्रीतमशी प्रिया मनमोकळेपणाने बोलत असते आणि ती बोलताना प्रीतमच्या स्वभावाबद्दल, गुणदोषांबद्दल कौतुक करते. यावर प्रीतम सांगतो की, तुम्ही एकदा त्यांच्याशी बोलून तर बघा तुम्ही त्यांच्या प्रेमात पडला नाही आहात ना?, यावर प्रिया सांगते की, असं काही नाही आहे पण त्यांचा साखरपुडा झाला आहे. यावर प्रीतमला असं वाटतं की, प्रिया कुठेतरी त्याच्यात गुंतत चालली आहे. तितक्यात तिथं पारू येते. पारू सांगते की, मला माहित आहे तुम्ही प्रिया मॅडमशी बोलत आहात. त्यावर पारू प्रीतमला समजावण्याचा प्रयत्न करते आणि मी यासाठी तुम्हाला कधीच मदत करणार नाही असे सांगते. तर इकडे अहिल्यादेवी मारुती व पारूला बोलावून घेतात आणि घरातील सगळ्या मंडळींना बोलावतात.
आणखी वाचा – Bigg Boss Marathi : आर्या रांगडा गडी वैभवच्या प्रेमात, व्यक्त होताना ढसाढसा रडली, एकतर्फी प्रेमाची सुरुवात
पारूच्या हातात अहिल्यादेवी पेपर्स ठेवतात आणि सांगतात की, हे पेपर्स वाच आणि यावर सह्या कर. यावर पारुला समजत नाही की, नक्की हे पेपर्स कसले आहेत. तर दिशा दामिनी बोलतात की, कदाचित पारूला या कामावरुन काढून टाकलं असेल. यांनी आधीच हे करायला हवं होतं. यावर दिशा अहिल्यादेवींना सांगते की, तुमचा निर्णय योग्य होता आणि तुम्ही यापूर्वीच हा निर्णय घ्यायला हवा होता. मात्र ती नेमकं कशाबद्दल बोलते हे कोणालाच कळत नाही. त्यानंतर आदित्य पारूला सांगतो की, घाबरू नकोस पारू हे कंपनीच्या ब्रँड अँबेसिडर असल्याचे पेपर्स आहेत आणि त्याचा मोबदला हा तुला मिळायलाच हवा म्हणून हे पेपर्स आहेत. यावर अहिल्यादेवी सांगतात की, हो हे पेपर्स तेच आहेत ज्यामुळे तुझी दर महिना सॅलरी चालू होईल. हे ऐकल्यावर पारू सांगते की, याची काहीच गरज नाही आहे. यावर अहिल्यादेवी सांगतात तू आमच्या घरात काम करतेस त्याचाही एक रुपया घेत नाहीस कारण तुला माझी सेवा करायची आहे आणि ज्या गोष्टीसाठी तू आमच्या कंपनीसाठी काम करते ज्याच्यातून आम्हाला करोडोंचा फायदा आहे त्याचा मोबदला हा तुला मिळायलाच हवा. यावर दिशा दामिनीचा चेहरा पडतो. दिशा मुद्दाम म्हणते की, हो आता तू स्वावलंबी व्हायला हवं, कारण आता तर तुझा नवरा पण नाही आहे. त्यामुळे तुझा घर खर्च, तुझा खर्च कसा भागवणार, आणि यासाठी थोडे पैसे तू साठवायला हवेत.
हे ऐकल्यावर अहिल्यादेवी रागाने तिच्याकडे पाहू लागतात. त्यानंतर दिशा व दामिनी त्यांच्या रूममध्ये येतात आणि दामिनी दिशाला डिवचते की, पारूची जागा खरं तर तू घ्यायला हवी होतीस. ब्रँड अँबेसिडर तू असायला हवी होतीस पण ती जागा पारूने घेतली. यावर दिशा म्हणते की, आता मी त्या पारूचा बंदोबस्त करते. आता दिशा व दामिनी पारूचा बदला कसा घेणार हे पाहणं मालिकेच्या येणाऱ्या भागात रंजक ठरेल
