२२ जानेवारी हा दिवस प्रत्येक भारतीयाने एका सणासारखा साजरा केला. कारण बऱ्याच वर्षांपासून होणाऱ्या राम मंदिर प्रतिष्ठापनेला या दिवशी पूर्णता मिळाली. राम मंदिर प्रतिष्ठापना २२ जानेवारी २०२४ रोजी झाली. अखेर या दिवशी रामलल्लाचे दर्शन घेत प्रत्येक भारतीयाने हा दिवस अगदी थाटामाटात साजरा केला. राजकीय मंडळी, दिग्गज मंडळी तसेच कलाकार मंडळींनी या दिवशी अयोध्येत हजेरी लावत या प्राणप्रतिष्ठा सोहळ्याला हजेरी लावली. काही कलाकारांना त्यादिवशी तिथे जाता आलं नाही त्यांनी नंतर जाऊन मंदिराला भेट दिलेली पाहायला मिळाली. (Prasad Oak Family Visit Ram Mandir Temple)
अशातच मराठी विश्वातीलही काही कलाकार मंडळींनी अयोध्येतील राम मंदिराला हजेरी लावलेली पाहायला मिळाली. काही दिवसांपूर्वीच अभिनेता स्वप्नील जोशीने चित्रपटाच्या प्रमोशनदरम्यान राम मंदिर अयोध्या येथे हजेरी लावली. यानंतर आता आणखी एका मराठमोळ्या कलाकाराने सहकुटुंब राम मंदिर येथे हजेरी लावली असल्याचे पाहायला मिळालं. अभिनेता प्रसाद ओक त्याच्या संपूर्ण कुटुंबासह अयोध्येला पोहोचला आहे. प्रसाद त्याची पत्नी मंजिरी व त्यांची दोन मुलं सार्थक व मयांक यांच्यासह अयोध्येत राम मंदिराचे दर्शन घेण्यासाठी पोहोचला.
सोशल मीडियावर प्रसादच्या बायकोने एक पोस्ट शेअर करत याबाबतची माहिती चाहत्यांसह शेअर केली. यावेळी तिने विमानात बसताना पासून ते तिथं गेल्यानंतरच्या पूर्ण प्रवासाची झलक या व्हिडीओमधून शेअर केली. यावेळी ‘महर्षि वाल्मिकी आंतरराष्ट्रीय विमानतळ अयोध्या धाम’पासून ते राम मंदिरातील दर्शनापर्यंतचा प्रवास पाहायला मिळाला. अगदी मराठमोळ्या पारंपरिक अंदाजात त्यांनी रामाचं दर्शन घेतलेलं पाहायला मिळालं. राम लल्लाचे दर्शन घेतल्यानंतर चौघांच्या चेहऱ्यावरचा आनंद ओसंडून वाहताना पाहायला मिळाला. एकत्र फोटो शेअर करत त्यांनी हा व्हिडीओ शेअर केला. सोशल मीडियावर मंजिरी व प्रसाद बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. बरेचदा त्यांचे ट्रेंडिंग, रील व्हिडीओही चाहत्यांच्या पसंतीस पडताना दिसतात.
प्रसादच्या कामाबद्दल बोलायचे झाले तर, प्रसाद त्याच्या आगामी चित्रपटांच्या चित्रीकरणात व्यस्त असल्याचं पाहायला मिळतोय. लवकरच तो ‘महापरिनिर्वाण’, ‘पठ्ठेराव बापू’, ‘वडापाव’ यांसारख्या चित्रपटातून प्रेक्षकांच्या भेटीस येणार आहे.