छोट्या पडद्यावरील लोकप्रिय अभिनेत्री म्हणजे सुप्रिया पाठारे. आजवर सुप्रिया पाठारे यांनी त्यांच्या अभिनयशैलीने प्रेक्षकांच्या मनात घर केलंच आहे. एक अभिनेत्री म्हणून त्या लोकप्रिय आहेतच याशिवाय त्या एक उत्तम व्यवसायिकाही आहेत. सुप्रिया पाठारे यांच्या लेकाने आणि त्यांनी मिळून व्यवसाय सुरु केला. सुरुवातीला फूड ट्र्क पासून सुरु केलेल्या या व्यवसायाने हॉटेल पर्यंत धाव घेतली आहे. लेकाने व आईने पाहिलेलं हे स्वप्न पूर्ण झालं आहे. (Supriya Pathare Hotel)
ठाणे येथे त्यांनी ‘मharaj’ पावभाजी आणि फास्ट फूड कॉर्नर हे हॉटेल सुरु केलं आहे. सिनेसृष्टीतील अनेक कलाकार मंडळी त्यांच्या या हॉटेलला भेट देत असतात. दरम्यान त्यांच्या या हॉटेलमध्ये कलाकारमंडळी पदार्थांचा आस्वाद घेतानाचे अनेक फोटोही सोशल मीडियावरून पोस्ट करण्यात आले आहेत. मध्यंतरी सुप्रिया पाठारे यांच्या हॉटेलला घेऊन बऱ्याच अफवा पसरल्या होत्या. मात्र त्यावेळी सुप्रिया यांनी स्पष्टीकरण देत या विषयावर भाष्य केलं होतं.
आता सुप्रिया पाठारे यांनी शेअर केलेली इंस्टाग्राम पोस्ट सध्या साऱ्यांचं लक्ष वेधून घेत आहे. सुप्रिया यांनी त्यांचं हॉटेल काही काळ बंद केलं असल्याचं सांगितलं आहे. इंस्टाग्रामवरून हॉटेलचा एक व्हिडीओ पोस्ट करत त्याखाली कॅप्शन देत सुप्रिया यांनी असं म्हटलं आहे की, “काही अडचणींमुळे महाराज आपलं बंद आहे, लवकरच खवय्यांसाठी हजर होऊ,स्वामी चरणी हीच प्रार्थना, भेटूया लवकरच”. यावरून काही काळ सुप्रिया पाठारे यांचं हॉटेल बंद असणार असल्याची माहिती त्यांनी चाहत्यांसह शेअर केली आहे.
मध्यंतरी ही हॉटेल बंद होणार असल्याच्या अनेक अफवा पसरवण्यात आल्या होत्या. यावर सुप्रिया पाठारे यांनी स्पष्टीकरण देत व्हिडीओ शेअर केला. यावर स्पष्टीकरण देत सुप्रिया म्हणाल्या, “तुम्हा सगळ्यांना माहित आहे आपलं ‘महाराज’ हॉटेल केवडा सर्कल, रामजी हॉटेल समोर ठाणे येथे आहे. या हॉटेलमध्ये पावभाजी स्पेशल मिळते. तुम्ही सगळ्यांनी येऊन आस्वादही घेतला आहे हे आम्हा सर्वांनाच माहित आहे. बऱ्याचश्या गोष्टी आमच्या कानावर आल्या, फोनही आले की, त्यांना असं कळलं हे हॉटेल बंद झालं आहे, बऱ्याच जणांना असं सांगण्यात आलं. पण असं काहीच नाही आहे. २१ तारखेला माझी आई गेली. त्यामुळे आम्ही हॉटेल बंद ठेवलं होत. आता काल तिचं कार्य झालं. आणि त्यातून जरा मोकळे होत, व्यवसाय आहे तो सुरूच ठेवायला हवा म्हणून आजपासून हे हॉटेल खवय्यांसाठी सुरु करतोय. त्यामुळे सर्वांना विनंती आहे की, महाराज हॉटेलला नक्की येऊन पावभाजीचा आस्वाद घ्या.”
