Nitin Desai Wife Emotional:बुधवारी (२ ऑगस्ट) सकाळी एनडी स्टुडिओ येथे गळफास घेत सुप्रसिद्ध कलादिग्दर्शक नितीन देसाई यांनी आत्महत्या केली. त्यांच्या मृत्यूनंतर सगळीकडे एकच खळबळ उडाली. नितीन देसाई आत्महत्या प्रकरणाबाबत सध्या पोलिस योग्य तो तपास करत आहे. आत्महत्येनंतर दोन दिवसांनी आज नितीन देसाई यांच्या पार्थिवावर कर्जतच्या एनडी स्टुडिओमध्ये अंत्यसंस्कार पार पडले.(Nitin Desai Wife Emotional)
आत्महत्येपूर्वी नितीन देसाई यांनी चिट्ठी लिहिली होती. या चिट्ठीमध्ये त्यांनी त्यांची शेवटची इच्छा बोलून दाखवली. त्यांच्या इच्छेप्रमाणेच आज त्यांना अखेरचा निरोप देण्यात आला. दरम्यान आज सकाळपासून एन.डी. स्टुडिओच्या बाहेर अनेकांनी गर्दी केली असून अनेक राजकीय नेते व कलाकारांनी नितीन देसाईंच्या पार्थिवाचे अंतिम दर्शन घेतले. दिग्दर्शक रवी जाधव, अभिनेता सुबोध भावे, अभिजीत केळकर, अभिनेत्री मानसी नाईक, रीना मधुकर यांसारख्या मराठी चित्रपटसृष्टीतील कलाकार मंडळींनी नितीन देसाई यांच्या पार्थिवाचे अंतिम दर्शन घेतले.
नितीन देसाईंच्या पत्नीला सावरणं झालं कठीण (Nitin Desai Wife Emotional)
नितीन देसाई यांची पत्नी, जावई व मुलगी अंतिम दर्शनासाठी पोहोचली. यावेळी मानसी तिच्या वडिलांच्या जवळ गेली. वडिलांना पाहत असताना तिला अश्रू अनावर झाले. तर मुलीसोबत नितीन देसाई यांच्या पत्नी देखील खचल्या आहेत. नितीन देसाई यांचे अंतिमदर्शन घेताना त्यांच्या पत्नीच्या अश्रूंचा बांध फुटला. घरातील इतर सदस्य त्यांना सावरण्याचा प्रयत्न करत आहेत.
हे देखील वाचा : …अन् वडिलांना पाहून लेकीच्या अश्रूंचा बांध फुटला, डोळ्यात पाणी आणणारा व्हिडीओ समोर
अंतिम दर्शनाच्या वेळी अनेक कलाकारांनी तसेच राजकीय मंडीळीने. नितीन देसाईं बाबतचे आपले मत व्यक्त करत हळहळ व्यक्त केली.तसेच नितीन देसाईंचं असं अकाली निधन अजूनही मान्य करणं सर्वांसाठीचं कठीण आहे. कलाकारांनी देखील नितीन देसाईंच्या कुटुंबाचे सांत्वन करणायचा प्रयत्न केला आहे.
