Nitin Desai Funeral Update : सुप्रसिद्ध कला दिग्दर्शक नितीन देसाई यांनी बुधवारी (२ ऑगस्ट) गळफास घेत आत्महत्या केली. त्यांच्या आत्महत्येने अवघं कलाविश्व शोकसागरात बुडाला आहे. आत्महत्येनंतर आज दोन दिवसांनी नितीन देसाई यांच्या पार्थिवावर कर्जत येथील एन.डी. स्टुडिओवर अंत्यसंस्कार करण्यात येणार आहे. (Nitin Desai Funeral)
एन.डी. स्टुडिओमधील ‘जोधा अकबर’ चित्रपटाच्या सेटवर नितीन देसाईंचे पार्थिव अंतिम दर्शनासाठी ठेवण्यात आले आहे. संध्याकाळी चार वाजता त्याच ठिकाणी त्यांच्यावर अंत्यसंस्कार करण्यात येतील. दरम्यान आज सकाळपासून एन.डी. स्टुडिओच्या बाहेर अनेकांनी गर्दी करण्यास सुरुवात केली असून अनेक राजकीय नेते व कलाकारांनी नितीन देसाईंच्या पार्थिवाचे अंतिम दर्शन घेतले. दिग्दर्शक रवी जाधव, अभिनेता सुबोध भावे, अभिजीत केळकर, अभिनेत्री मानसी नाईक, रीना मधुकर यांसारख्या मराठी चित्रपटसृष्टीतील कलाकार मंडळींनी नितीन देसाई यांच्या पार्थिवाचे अंतिम दर्शन घेतले.
हे देखील वाचा – Sudhir salvi on nitin desai : लालबागच्या राजासाठी नितीन देसाईंनी पाहिलेलं ‘ते’ स्वप्न राहिलं अपूर्ण, ७० ते ८० टक्के काम पूर्णही झालं होतं पण…
मात्र ज्या नितीन देसाईंनी अनेक बॉलीवूड चित्रपटांचे कला दिग्दर्शन केले. त्या बॉलीवूडने नितीन देसाई यांच्या अंतिम दर्शनाकडे पाठ फिरवली आहे. केवळ अभिनेता आमिर खान आणि दिग्दर्शक आशुतोष गोवारीकर, मधुर भांडारकर वगळता बॉलीवूडमधील एकही बडा स्टार नितीन देसाईंच्या अंतिम दर्शनाला आलेला दिसला नाही. (No Bollywood stars in Nitin Desai Funeral except Amir Khan)
दरम्यान, त्यांच्या अंतिम दर्शनावेळी नितीन देसाईंचे कुटुंब आणि एनडी स्टुडिओमधील कर्मचाऱ्यांना यावेळी अश्रू अनावर झाले. नितीन देसाई यांच्या पश्चात पत्नी, दोन मुली, मुलगा, जावई असा परिवार असून त्यांच्या अश्या जाण्याने नितीन देसाईंच्या कुटुंबियांना मोठा धक्का बसला आहे.