sachin pilgaonkar troll : मराठी अभिनेते सचिन पिळगांवकर यांनी आजवर अनेक चित्रपटांमध्ये महत्त्वपूर्ण भूमिका साकारत रसिक प्रेक्षकांच्या मनावर अधिराज्य गाजवलं आहे. सचिन यांनी अनेक किस्से त्यांच्या मुलाखतीदरम्यान सांगितले आहे. त्यावरुन त्यांना बऱ्याचदा ट्रोलसुद्धा करण्यात येतं. मात्र या ट्रोलिंगला ते कधीही जुमानत नाहीत आणि या ट्रोलिंगवर ते कधीच बोलत नाहीत. बालकलाकार म्हणून सचिन यांनी सिनेविश्वात पदार्पण केले. त्यानंतर त्यांनी अनेक चित्रपट केले. चित्रपटांमधून त्यांनी एक काळ गाजवला. शिवाय दिग्दर्शनातही सचिन यांनी महत्त्वपूर्ण कामगिरी केलेली पाहायला मिळाली.
वयाच्या अवघ्या सातव्या वर्षी त्यांनी ‘हा माझा मार्ग एकला’ चित्रपटातून सिनेविश्वात पदार्पण केले. १९६३ मध्ये प्रदर्शित झालेल्या ‘हा माझा मार्ग एकला’ या सिनेमाच्या संबंधित एक किस्सा सचिन यांनी ‘रेडिओ सिटी’ला दिलेल्या मुलाखतीत सांगितला आहे. हा सिनेमा राजा परांजपे यांनी दिग्दर्शित केला होता. या सिनेमात सचिन पिळगावकर यांनी बालकलाकारची भूमिका साकारली होतो. आणि तेव्हा ते फक्त अवघ्या सात वर्षांचे होते.
आणखी वाचा – ‘पारू’ मालिका बंद होणार?, नव्या मालिकांच्या वेळांना प्राधान्य दिल्याने प्रेक्षक संभ्रमात, नक्की काय होणार?
हा किस्सा सांगताना सचिन म्हणाले, “अभिनेते संजीव कुमार हे माझा ‘हा माझा मार्ग एकला’ हा चित्रपट पाहण्यासाठी गेले होते. त्यानंतर त्यांनी सहकाऱ्याला माझा पत्ता विचारला. घरी येण्यापूर्वी सांताक्रुझमधील एका स्टेशनरीच्या दुकानात गाडी थांबवली, तेथून ऑटोग्राफ बुक घेतली. संजीव यांनी दरवाजा ठोठावला. माझ्या बाबांनी दरवाजा उघडला तर समोर संजीव कुमार होते. त्यांनी विचारलं सचिन आहे का? त्याला बोलवा. मग मी आलो. त्यांनी मला सांगितलं की, मी आताच तुझा ‘हा माझा मार्ग एकला..’ चित्रपट पाहून आलो आहे”.
आणखी वाचा – अॅक्शन सीनदरम्यान सुप्रसिद्ध अभिनेत्रीचा झालेला गर्भपात, ओढवलेला वाईट काळ, खुलासा करत म्हणाली, “तीन महिने…”
पुढे ते म्हणाले, “मी आतापर्यंत कधीच कोणाचा ऑटोग्राफ घेतलेला नाही. माझ्या आयुष्यातला पहिला ऑटोग्राफ मी घेऊ इच्छितो. त्यांनी माझ्यासमोर वही ठेवली, डायरी ठेवली. मग मी त्यांना ऑटोग्राफ दिली”. सचिन यांनी सांगितलेला हा किस्सा सध्या सोशल मीडियावर व्हायरल झाला आहे. हा व्हिडीओ पाहून अनेकांनी सचिन यांना ट्रोल करायला सुरुवात केली आहे. “आता संत्या १००० मतांनी पिछाडीवर”, “आता हे नवीन प्रकरण काय आहे”, “ऐ डिकरा…काय पण बोलते…काय पण फेकते”, अशा अनेक कमेंट करत त्यांना ट्रोल केलं आहे.
