Naseeruddin Shah Throwback Video : अभिनेते नसीरुद्दीन शाह नेहमीच कोणत्या ना कोणत्या कारणामुळे चर्चेत असतात. बरेचदा ते न पटलेल्या मुद्द्यांवर सडेतोड भाष्य करताना दिसतात. सोशल मीडियावरुन ते अनेकदा ट्विट करताना दिसतात. तसेच ते त्यांच्या रागासाठी प्रसिद्ध आहे. त्यांच्या कामाबाबत कोणीही स्पर्धा करुच शकत नाही. मात्र यावेळी घडलेला प्रकार हा काहीसा विरुद्ध आहे. बरेचदा ते मुलाखतींमध्ये केलेल्या वक्त्यव्यामुळे चर्चेत येतात. यावेळी ही बाब थोडी उलट आहे. नसिरुद्दीन शाह यांची एक जुनी मुलाखत समोर आली आहे, ज्यामध्ये ते स्त्रियांसमवेत पुरुषांच्या विचारांवर असं काही बोलताना दिसत आहेत की प्रत्येकजण त्यांचे कौतुक करत आहे.
नसीरुद्दीन शाह यांच्या एका मुलाखतीतील एक छोटासा भाग व्हायरल होत आहे. ज्यामध्ये ते स्त्रियांबद्दल आपल्या भावना व्यक्त करताना दिसत आहेत. यावेळी ते असं म्हणताना दिसत आहेत की, “माझ्या आजीला १५ मुले होती. त्यापैकी ११ जिवंत राहिले आणि बाकीच्यांनी या जगाचा निरोप घेतला. आता प्रत्येकजण निघून गेला आहे. परंतु १५ मुलांबद्दल मी विचार करतो तेव्हा कळतं १३ व्या वर्षी त्यांचं लग्न झालं तेव्हा नाना १५ वर्षांचे होते.
आणखी वाचा – “माझ्यावर दबाव होता आणि…”, ‘स्वराज्यरक्षक संभाजी’ मालिकेच्या शेवटाबाबत डॉ. अमोल कोल्हेंचा धक्कादायक खुलासा
नसीरुद्दीन शाह पुढे म्हणाले, “मला वाटते की वयाच्या १४ व्या वर्षी त्यांना पहिला मुलगा वा मुलगी झाली असावी. यानंतर, कमीतकमी १५ वर्षे किंवा ३० वर्षे, केवळ मुलेच जन्माला घालत राहिली. आणि यामध्ये काही विचित्र गोष्ट आहे का? होय, नक्कीच. शरीराच ओझे त्या स्त्रीवर आहे, एका पुरुषाला आपल्या पोटावर वजन बांधून ठेवण्यास सांगा, आणि दररोज वजन वाढवत जा. आपण किती दिवस हे सहन करु शकता ते पाहा”. अभिनेते पुढे म्हणाले, “मी नंतर या सर्व गोष्टींचा विचार केला. मी कबूल करतो की एक वेळ असा होता जेव्हा मी या गोष्टींबरोबर खूप लांब होतो. पुरुषत्व पासून. परंतु हे खूप मोठे गैरवर्तन करणारे आहे. स्त्रियांचा द्वेष करणारी वृत्ती, स्त्रियांना पात्र नाही असे मानणारी वृत्ती, त्यांचा सततचा अपमान. हे किती काळ टिकेल? माहित नाही”.
आता लोकांनी या व्हिडीओवर प्रतिक्रिया व्यक्त केली. मराठी अभिनेत्री तेजस्विनी पंडित इन रेड हार्ट इमोजी शेअर करत व्हिडीओवर प्रतिक्रिया व्यक्त केली. त्याच वेळी, एका नेटकऱ्याने लिहिले, “ते कोणत्याही धार्मिक प्रभावाशिवाय उत्तम प्रकारे बोलत आहेत”. तर एकाने लिहिले, “त्यांचा आवाज आणि त्यांचे शब्द दोन्ही सक्षम आहेत”. एकाने लिहिले, ‘आम्हाला या मानसिकतेसह अधिक पुरुषांची गरज आहे”.
