मराठी सिनेसृष्टीत बऱ्याच कलाकार मंडळींचे लग्न सोहळे पार पडलेले पाहायला मिळाले. एका मागोमाग एक लग्नबंधनात अडकत गेलेल्या या जोड्यांच्या लग्नसोहळ्याची विशेष चर्चा रंगलेली पाहायला मिळाली. यामध्ये एका जोडीचं विशेष कौतुक झालेलं पाहायला मिळालं. आणि या जोडीवर प्रेक्षकांनीही भरभरुन प्रेम केलं. ही जोडी म्हणजे मुग्धा वैशंपायन व प्रथमेश लघाटे. ‘आमचं ठरलं’ म्हणत मुग्धा व प्रथमेश यांनी त्यांच्या सोशल मीडियावरुन प्रेमाची जाहीर कबुली दिली. त्यानंतर दोघांनीही त्यांचा शाही थाटामाटात लग्नसोहळा उरकत चाहत्यांना सुखद धक्का दिला. (Mugdha Vaishampayan and Prathamesh Laghate)
मुग्धा व प्रथमेश त्यांच्या लग्नसोहळ्यामुळे अधिक चर्चेत आलेले पाहायला मिळाले. चिपळूण येथे डेस्टिनेशन वेडिंग करत त्यांनी त्यांचा लग्नसोहळा पार पाडला. सोशल मीडियावर बऱ्यापैकी सक्रिय असणारी ही जोडी प्रेक्षकांना नेहमीच आवडते. ‘सारेगमप लिटिल चॅम्प्स’ या कार्यक्रमातून मुग्धा व प्रथमेश यांनी प्रेक्षकांची मन जिंकली. मुग्धा व प्रथमेश यांच्या गाण्यांचे लाखो चाहते दिवाने आहेत. केवळ महाराष्ट्रातच नव्हे तर महाराष्ट्राबाहेरही या दोघांच्या आवाजाचे चाहते आहेत. लग्नानंतर ही जोडी संसारात रमलेली पाहायला मिळाली.
लग्नानंतर मुग्धा व प्रथमेश बरेचदा कामानिमित्त एकत्र दौरे करतानाही पाहायला मिळाले. गायनाचे विविध ठिकाणी कार्यक्रम घेत, तसेच गायन सेवा करत प्रथमेश व मुग्धाने त्यांची काम सुरुच ठेवली. आज प्रथमेश व मुग्धा यांच्या लग्नाला दोन महिने पूर्ण झाले आहेत. लग्नाला दोन महिने पूर्ण होताच प्रथमेश व मुग्धाने त्यांच्या इंस्टाग्राम अकाऊंटवरुन शेअर केलेल्या एका रोमँटिक व्हिडीओने साऱ्यांचे लक्ष वेधून घेतले आहे. समुद्रकिनारी शूट केलेला हा व्हिडीओ साऱ्यांचे लक्ष वेधून घेत आहे. यावेळी दोघांचा पारंपरिक अंदाज प्रेक्षकांना विशेष भावला आहे.
या व्हिडीओमधील मुग्धा व प्रथमेशच्या लूकने साऱ्यांचं लक्ष वेधून घेतलं आहे. मुग्धाने यावेळी सोनेरी काठ असलेली भगव्या रंगाची पारंपरिक साडी परिधान केली होती. तसेच त्यावर घातलेल्या दागिन्यांनी मुग्धा खूपच सुंदर दिसत होती. तर प्रथमेश पारंपरिक शेरवानीमध्ये पाहायला मिळाला. समुद्रकिनारी रोमॅंटिक अंदाजात केलेलं हे फोटोशूट खूप खास असल्याचे पाहायला मिळालं. यावेळी दोघांच्या चेहऱ्यावरचा आनंद ओसंडून वाहताना पाहायला मिळाला.
