गेली ३३ वर्ष कोणतीही तक्रार न करता एक मराठमोळी कलाकार जोडी सुखाचा संसार करत आहे. ही जोडी म्हणजे अभिनेत्री सुचित्रा बांदेकर आणि अभिनेते आदेश बांदेकर. सुचित्रा व आदेश हे दोघेही लोकप्रिय जोडींपैकी एक आहेत. गेल्या अनेक वर्षांपासून ही जोडी प्रेक्षकांच्या मनात घर करुन आहे. दोघांनीही त्यांच्या अभिनयाने रसिक प्रेक्षकांच्या मनात घर केलं आहे. सुचित्रा व आदेश यांचा खूप मोठा चाहतावर्ग आहे. आदेश यांनी आजवर होम मिनिस्टर या कार्यक्रमातून लोकप्रियता मिळवली. तर सुचित्रा यांनी अनेक चित्रपटांमधून प्रेक्षकांची मनं जिंकली. (Suchitra Bandekar shared Incident)
सुचित्रा बांदेकर आणि आदेश बांदेकर यांनी पळून लग्न केलं आहे. त्यांच्या प्रेमाचे अनेक किस्से आहेत. याबद्दल सुचित्रा बांदेकर यांनी बऱ्याच मुलाखतींमध्ये भाष्य केलं आहे.आदेश आणि सुचित्रा यांचं लग्न झालं तेव्हा आदेश जेमतेम ३६५ रुपये महिना कमवत होते. आदेश यांच्याकडे काम नसल्याने दोघांच्याही घरून त्यांच्या लनासाठी प्रचंड विरोध होता. घरचे जबरदस्ती करुन लग्न करुन देतील या भीतीने आदेश यांच्याकडे सुचित्रा यांनी लग्न करण्याचा हट्ट धरला. काहीच काम नसल्याने आदेश लग्नाला तयार नव्हते पण त्यानंतर दोघांनी लग्न करण्याचा निर्णय घेतला तेव्हा पळून जाऊन लग्न केलं, ही कथा अनेकदा सुचित्रा यांनी मुलाखतींद्वारे सांगितली आहे.
घरच्यांचा विरोध ते घरच्यांच्या मनात जागा मिळवण्यापर्यंतचा दोघांचा हा प्रवास खूप उत्तम आहे. अगदी सहजतेने व दोघांच्या स्वभावांनी त्यांनी त्यांच्या घरच्यांची मनं जिंकली. नुकतीच सुचित्रा यांनी सुलेखा तळवलकर यांच्या ‘दिल के करीब’ या कार्यक्रमाला हजेरी लावली होती. यावेळी सुचित्रा यांनी आदेश यांच्याबाबत बरंच भाष्य केलं. यावेळी सुचित्रा यांनी बोलताना त्यांच्या घरच्यांबाबतही भाष्य केलं.
यावेळी बोलताना सुचित्रा यांनी त्यांच्या वडिलांची आठवण शेअर केली. त्या म्हणाल्या, “आम्ही दोघांनी पळून जाऊन लग्न केलं. पुढचा-मागचा कसलाही विचार न करता लग्न केलं. त्याच्यामुळे सर्व जबाबदारी अंगावर आली आणि गरजेपोटी मी काम करायला सुरुवात केली. आदेशच्या घरुनही मला पाठिंबा होता. माझे बाबा आता या जगात नाहीत. त्यांना अल्झायमर हा आजार झाला होता. पण कोणाला खरं वाटणार नाही तर शेवट्पर्यंत त्यांना फक्त आदेशचं नाव लक्षात होतं”.
