‘महाराष्ट्राची हास्यजत्रा’ या लोकप्रिय कार्यक्रमाने प्रेक्षकांच्या मनावर अधिराज्य गाजवलं आहे. हा कार्यक्रम सातत्याने प्रेक्षकांचे मनोरंजन करत आहे.विविध विनोदी भूमिका साकारत हास्यजत्रेतील कलाकार प्रेक्षकांचं मनोरंजन करण्यास कुठेही कमी पडत नाही आहेत. या कार्यक्रमाच्या परिक्षणाची जबाबदारी अभिनेता प्रसाद ओक व अभिनेत्री सई ताम्हणकर उत्तमरीत्या साकारत आहेत. अशातच सईच्या इन्स्टाग्राम पोस्टने सर्वांचं लक्ष वेधून घेतलं आहे. सईच्या या पोस्टमुळे अनेकांच्या भुवया उंचावल्या असून चाहत्यांच्या मनात अनेक प्रश्न निर्माण झाले आहेत. (Saie Tamhankar instagram post)
मराठीतील आघाडीची अभिनेत्री सई ताम्हणकर सध्या मराठी चित्रपट ‘श्रीदेवी प्रसन्न’ व हिंदी चित्रपट ‘भक्षक’ यामुळे अधिक चर्चेत आली आहे. तिच्या मराठी व हिंदी चित्रपटातील भूमिकांचे सर्वच स्तरातून कौतुक होत आहे ‘महाराष्ट्राची हास्यजत्रा’ या कार्यक्रमाच्या परिक्षकाच्या भूमिकेत ती पाहायला मिळत आहे. पण गेल्या काही दिवसांपासून या कार्यक्रमामधून सई गायब असल्याचं निदर्शनास आलं आहे. त्यामुळे सई नेमकी कुठे गायब आहे याबद्दल साऱ्यांना जाणून घ्यायचे आहे. दरम्यान, सईने स्वतः सोशल मीडियावरुन पोस्ट शेअर करत याबाबतचा खुलासा केला आहे.
अभिनेत्रीने पोस्ट शेअर करत लिहिले आहे की, “’महाराष्ट्राची हास्यजत्रा’मधील आवडती गोष्ट कोणती तर परिक्षकाच्या खुर्चीत बसलेली मी. माझ्या आगामी वेबसीरिजच्या चित्रीकणामुळे सध्या बाहेर आहे आणि त्यामुळे हास्यजत्रेला खूप मिस करत आहे”, अशा आशयाची पोस्ट तिने लिहिली आहे. दरम्यान, सईच्या खुर्ची प्रेमाबद्दल ‘महाराष्ट्राची हास्यजत्रा’ची सूत्रसंचालक प्राजक्ता माळीने एकदा भाष्य केले होते. ती म्हणाली होती की, “सईमुळे मला खूप प्रेरणा मिळते. व्यावसायिक आयुष्य कसं जगावं हे तिच्याकडून शिकावं. ती अत्यंत शिस्तबद्ध पद्धतीने सेटवर वावरत असते. महत्त्वाचे म्हणजे ती कधीही तिची खुर्ची सोडत नाही. ज्याला कोणाला बोलायचे असेल तो तिच्या खुर्चीजवळ जाऊन बोलतो. ती खुर्चीतून थेट व्हॅनिटीमध्ये जाते आणि व्हॅनिटीमधून थेट खुर्चीमध्ये येऊन बसते”, असे प्राजक्ताने सांगितले होते.
आणखी वाचा – अनन्या पांडे होणार मावशी, बहिणीने व्हिडीओ शेअर करत दिली गुडन्यूज
सई अनेक वर्षांपासून मराठी चित्रपटसृष्टीमध्ये काम करत आहेत. आतापर्यंत तिने विविध चित्रपटांमध्ये वेगवेगळ्या धाटणीच्या भूमिका केल्या आहेत. तिच्या सर्वच भूमिकांना प्रेक्षकांनी उत्स्फूर्त दाद दिली आहे. नुकतेच नेटफ्लिक्सवर आलेल्या ‘भक्षक’ चित्रपटामध्ये तिने साकारलेल्या पोलिस ऑफिसरच्या भूमिकेची सर्वांनीच खूप प्रशंसा केली आहे.
