मराठमोळी अभिनेत्री प्राजक्ता माळी ही नेहमीच कोणत्या ना कोणत्या कारणामुळे चर्चेत असते. सोशल मीडियावरही ती बऱ्यापैकी सक्रिय असल्याचे दिसते. प्राजक्ताचे लाखो चाहते दिवाने आहेत. सोशल मीडियावर फोटो व व्हिडीओ शेअर करत प्राजक्ता चाहत्यांच्या संपर्कात राहते. मराठी चित्रपट, मालिका व वेबसीरिज यांमध्ये महत्त्वपूर्ण भूमिका साकारत प्राजक्ताने प्रेक्षकांच्या मनात घर केलं आहे. प्राजक्ता अभिनयाशिवाय राजकारणातही दिसणार असल्याच्या बऱ्याच चर्चा रंगलेल्या पाहायला मिळाल्या. (Prajakta Mali On Raj Thackeray)
प्राजक्ता माळी नेहमीच मनसे अध्यक्ष राज ठाकरे यांच्या कार्यक्रमांमध्ये हजेरी लावताना दिसते. इतकंच नव्हेतर प्राजक्ताच्या प्राजक्तराज या ज्वेलरी ब्रँडच्या उदघाटन सोहळ्यालाही राज ठाकरे यांनी पत्नीसह हजेरी लावलेली पाहायला मिळाली. ‘प्राजक्तराज’ असं या प्राजक्ताच्या ब्रॅंडचं नाव असून मनसे अध्यक्ष राज ठाकरे यांच्या हस्ते या ब्रॅंडचं अनावरण करण्यात आलं. यावेळी राज ठाकरे यांच्या पत्नी शर्मिला ठाकरे यादेखील उपस्थित होत्या. आज राज ठाकरे यांचा वाढदिवस आहे.
आणखी वाचा – कांचन आजींची प्रकृती खालावली, आयसीयूमध्ये दाखल, संजना-अनिरुद्धमुळेच जीवाला धोका
राज ठाकरे यांच्या वाढीदिवसानिमित्त प्राजक्ताने शेअर केलेल्या एका पोस्टने साऱ्यांचं लक्ष वेधलं आहे. या पोस्टमध्ये प्राजक्ताने एक व्हिडीओ शेअर केला असून खास कॅप्शन दिलं आहे. या व्हिडीओमध्ये प्राजक्ता राज ठाकरे यांच्याबरोबर पाहायला मिळत आहे. राज साहेबांबरोबरचे फोटो शेअर करत तिने, “आदरणीय आपणांस वाढदिवसाच्या आभाळभर शुभेच्छा. राज ठाकरेजी. जे करण्याची इच्छा आहे, ते काम हातात यावं. काम करताना आनंद मिळावा. त्यातून समाधान लाभावं, याच वाढदिवसानिमित्त माझ्याकडून व प्राजक्तराज परिवाराकडून शुभकामना. #शुभेच्छा #अविरत #श्रीमंत. फोटोत दिसताय त्याप्रमाणे सदैव हसत रहा, प्रसन्न रहा”, असं कॅप्शन देत त्यांना शुभेच्छा दिल्या आहेत.
अभिनेत्रीची राज साहेबांसाठीची ही पोस्ट पाहून राजकारणात तिकीट मिळणार असल्याचं म्हटलं आहे, तर काहींनी राज ठाकरे यांना शुभेच्छा दिल्या आहेत. ‘महाराष्ट्राची हास्यजत्रा’ या कार्यक्रमामधून प्राजक्ता प्रेक्षकांच्या भेटीस येत असते. या कार्यक्रमाचं ती सूत्रसंचालन करते. तसेच तिचा ‘लकडाऊन’ हा चित्रपट प्रेक्षकांच्या भेटीस आला होता. ‘जुळून येती रेशिमगाठी’ या मालिकेमुळे प्राजक्ताला विशेष लोकप्रियता मिळाली.