अभिनेत्री प्राजक्ता माळीने आजवर तिच्या बोल्ड व बिनधास्त व्यक्तिमत्त्वाने प्रेक्षकांची मनं जिंकली आहेत. अभिनेत्रीने तिच्या सौंदर्यानेही तरुणाईला भुरळ घातली आहे. अनेक लोकप्रिय मालिकांमधून प्राजक्ताने प्रेक्षकांच्या मनावर राज्य केलं आहे. प्राजक्ता ‘महाराष्ट्राची हास्यजत्रा’ या लोकप्रिय कार्यक्रमातून घराघरांत पोहोचली. प्राजक्ताच्या या कार्यक्रमातील सूत्रसंचालनाचे अनेक चाहते दिवाने आहेत. प्राजक्ता अभिनयाबरोबर उत्तम कवयित्री, नृत्यागंणा व सूत्रसंचालिकासुद्धा आहे. एवढंच नाही तर ती एक चांगली व्यावसायिका आहे. (Prajakta mali New Video)
प्राजक्ताचा स्वतःचा प्राजक्तराज हा ज्वेलरी ब्रँड असून ती मराठमोळे पारंपरिक नवीन दागिने लाँच करत असते. सोशल मीडियावरही अभिनेत्री बऱ्यापैकी सक्रिय असते. हटके फोटोशूटमुळे प्राजक्ता नेहमीच चर्चेत असते. शिवाय कुटुंबाबरोबरचेही अनेक व्हिडीओ, फोटो ती पोस्ट करताना दिसते. अशातच अभिनेत्रीने नवीन वर्षाच्या कुटुंबाबरोबरच्या सेलिब्रेशनचा एक व्हिडीओ नुकताच शेअर केला आहे.
अभिनेत्री प्राजक्ता माळीने नववर्षाचे स्वागत करत मागील वर्षाला निरोप देत हा दिवस साजरा केला आहे. प्राजक्ताने ३१ डिसेंबर व नवीन वर्षाच्या स्वागताचं सेलिब्रेशन कुटुंबियांसह धुमधडाक्यात केलं आहे. कुटुंबाबरोबर धमाल मस्ती करतानाच व्हिडीओ अभिनेत्रीने तिच्या इन्स्टाग्राम अकाऊंटवरुन शेअर केला आहे. अभिनेत्रीने लिहिले आहे की, “३१ डिसेंबर संदर्भातील आमचे बॉबी देओल व डॉन २०२३चा शेवटचा आणि २०२४चा पहिला सेल्फी, नवीन वर्षातली पहिली पोस्ट. नवीन वर्षाच्या शुभेच्छा” असं कॅप्शन देत कुटुंबाबरोबर धमाल करतानाचा व्हिडीओ शेअर केला आहे.
प्राजक्ताने शेअर केलेल्या व्हिडीओमध्ये ती तिच्या कुटुंबियांसह ‘अॅनिमल’ चित्रपटातील बॉबी देओलच्या ‘जमाल कडू’ या गाण्यावर जबरदस्त डान्स करताना दिसत आहे. त्यानंतर ती ‘डॉन’ या गाण्यावरही थिरकताना दिसली. या गाण्यांवर प्राजक्तासह तिचे कुटुंबीयही धमाल मस्ती करत थिरकताना दिसले. शिव्या या व्हिडीओमध्ये प्राजक्ता चुलीशेजारी बसून भाकऱ्या बनवताना दिसत आहे. प्राजक्ताने शेअर केलेला हा व्हिडीओ पाहून नेटकऱ्यांनी संमिश्र प्रतिक्रिया दिल्या आहेत. एका नेटकऱ्याने कमेंट करत, “सारं काही बाजूला ठेवून ,सर्वांच्यात मिसळते म्हणून तर ‘प्राजक्ता’नव्याने कळते” असं म्हणत तिचं कौतुक केलं आहे.