‘मन धागा धागा जोडते नवा’ म्हणत मराठीसह हिंदी प्रेक्षकांवर आपल्या अभिनयाने व सौंदर्याने मोहिनी घालणारी ‘कलरफुल’ अभिनेत्री म्हणजे पूजा सावंत. मराठी मनोरंजन सृष्टीतली ही लोकप्रिय अभिनेत्री नुकतीच विवाहबंधनात अडकली. आपल्या अभिनयाने व हटके स्टाईलमुळे चर्चेत राहणारी पूजा तिच्या लग्नामुळे चांगलीच चर्चेत आली. २८ फेब्रुवारी रोजी पूजाने सिद्धेश चव्हाणसह लग्नगाठ बांधली असून आज पूजा नुकतीच भारतात परतली आहे आणि तिच्या माहेरी आली आहे.
आपल्या अनोख्या भूमिकांनी चर्चेत राहणारी पूजाही सोशल मीडियावरदेखील तितकीच चर्चेत राहत असते. सोशल मीडियावर ती तिचे अनेक फोटो व व्हिडीओ शेअर करत असते. अशातच तिने नुकतेच तिच्या गावचे काही खास फोटो व व्हिडीओ शेअर केले आहेत. अभिनेत्री तिच्या कोकणातल्या गावी गेली असून गावच्या घराचे, आजूबाजूच्या परिसराचे फोटो व व्हिडीओ तिने सोशल मीडियाद्वारे शेअर केले आहेत. पूजा आई-बाबा, भाऊ-बहिणीसह कोकणात गेली आहे. याबद्दल काल तिने विमानाने प्रवास करतानाचा फोटोही शेअर केला होता.
अशातच पूजाने तिच्या इन्स्टाग्राम अकाऊंटद्वारे एक व्हिडीओ शेअर केला आहे जो सर्वांचे लक्ष वेधून घेत आहे. या व्हिडीओमध्ये पूजा तिच्या कोकणातल्या गावच्या झाडांना पाणी देत असल्याचे पाहायला मिळत आहे. “कोकणातील सकाळ” असं म्हणत पूजाने हा खास व्हिडीओ शेअर केला आहे. तसेच “पावसाच्या आगमनापुर्वी आमच्या घरी नवीन ६ माडांचं आगमन झालं” असंही म्हटलं आहे. ‘गोमू माहेरला जाते हो नाखवा’ हे खास गाणं लावत तिने हा व्हिडीओ शेअर केला आहे.
आणखी वाचा – लग्नानंतर फिरायला गेल्यावर मुग्धा-प्रथमेश यांचे देवदर्शन, महादेवाच्या मंदिरातही गेले, फोटो व्हायरल
दरम्यान, पूजाने शेअर केलेल्या या व्हिडीओमध्येतिच्या गावच्या घराची झलकही दिसत आहे. नवीन घर बांधत असल्याचे या व्हिडीओमधून पाहायला मिळत आहे. या व्हिडीओला पूजाच्या अनेक चाहत्यांनी लाईक्स व कमेंट्स करत उत्तम प्रतिसाद दिला आहे. या व्हिडीओमधून पूजा कुटुंबियांसह कोकणात एन्जॉय करतानाचे पाहायला मिळत आहे. “कोकण म्हणजे स्वर्ग”, “कोकणात तुमचं गांव कुठे आहे?”, “तुमचे हास्य खूपच सुंदर आहे” अशा अनेक कमेंट्स करत या व्हिडीओला नेटकऱ्यांनी या व्हिडीओला प्रतिसाद दिला आहे.
