अभिनेत्री क्रांती रेडकरने तिच्या अभिनयशैलीने व नृत्यशैलीने आजवर प्रेक्षकांच्या मनावर अधिराज्य गाजवलं आहे. क्रांती नेहमीच तिच्या सोशल मीडियावरील पोस्टमुळे चर्चेत असते. सोशल मीडियावरील अभिनेत्रीचा वावर हा बऱ्यापैकी मोठा असलेला पाहायला मिळतो. सोशल मीडियावर सक्रिय असणाऱ्या अभिनेत्रींमध्ये क्रांतीचं नाव अव्वल स्थानावर आहे. क्रांती तिच्या जुळ्या मुलींच्या व्हिडीओमुळे विशेष चर्चेत असते. नेहमीच ती तिच्या लेकींचे मज्जेदार किस्से चाहत्यांसह शेअर करते. (Kranti Redkar Husband Birthday)
अभिनेत्री क्रांती रेडकर जितकी चर्चेत असते तितकेच तिचे पती सरकारी अधिकारी समीर वानखडे देखील त्यांच्या बिनधास्त व बेधडधक कामामुळे नेहमीच चर्चेत असतात. कलाक्षेत्राशी समीर यांचा अधूनमधून संबंध येत असतो. समीर वानखेडे यांच्यावर वेगवेगळे आरोप होत असताना क्रांती भक्कमपणे आपल्या नवऱ्याला साथ देताना दिसते. क्रांती तिच्या पतीच्या कायम पाठीशी खंबीरपणे उभी असलेली दिसते. सोशल मीडियावरुन नेहमीच ती पतीच्या कौतुकास्पद पोस्टही शेअर करताना दिसते.
अशातच क्रांतीच्या सोशल मीडियावरून तिने तिच्या पतीसाठी केलेली खास पोस्ट साऱ्यांचं लक्ष वेधून घेत आहे. अभिनेत्रीने तिच्या पतीच्या वाढदिवसानिमित्त एक व्हिडीओ शेअर करत ही पोस्ट केली आहे. या पोस्टमध्ये कॅप्शन देत, “होय मी त्याच्याशी लग्न केले आहे. तुमचे काम तुम्हाला मोठं करत. समीर तू आपल्या भारत मातेची सेवा करत राहा. वाढदिवसाच्या हार्दिक शुभेच्छा. प्रेम, कठीण काळ येतात व जातात यातून आपण किती सुंदरपणे प्रवास करतो हे महत्त्वाचे आहे. असा परिपूर्ण असा शौर्यवीर मी कधीही पाहिला नाही जो केवळ सत्यासाठी उभा राहत नाही तर प्रत्येक परिस्थितीत लढतो” असं म्हणत तिने नवऱ्याला शुभेच्छा दिल्या आहेत.
अनेक वर्ष एकमेकांना डेट केल्यानंतर समीर व क्रांती यांनी अत्यंत साधेपणाने लग्नगाठ बांधली. क्रांती समीरच्या प्रामाणिकपणाच्या प्रेमात असल्याचंही तिने बऱ्याच मुलाखतींमध्ये सांगितलं आहे. क्रांतीने २०१८ मध्ये झिया व झिदा या दोन जुळ्या मुलींना जन्म दिला.